Бишкек, “Саясат.kg”. Абанын температурасы +40 градустан ашып, айрым шаарларда жашоо дээрлик токтоду

Европанын бир катар өлкөлөрүндө тарыхтагы эң күчтүү ысык толкундардын бири уланууда. Франция, Испания, Италия жана Бельгияда абанын температурасы +40 градустан ашып, айрым шаарларда жашоо дээрлик токтоду. Дарыгерлер кары адамдарга, балдарга жана жүрөк оорулары бар жарандарга сыртка чыкпоону эскертишүүдө.

Көптөгөн өлкөлөрдө электр энергиясын колдонуу кескин көбөйүп, муздаткыч системаларына күч келип жатат. Айрым аймактарда токой өрттөрү чыгып, жүздөгөн адамдар коопсуз жайларга көчүрүлдү. Климат боюнча адистер мындай ысык толкундар мурда сейрек болсо, азыр климаттын өзгөрүшүнөн улам бат-бат кайталанып жатканын айтышууда.