Бишкек, "САЯСАТ.KG". Элчибек Жантаев катышып, оюнчуларды куттуктап, жеңүүчүлөргө сыйлыктарды тапшырды.

Бүгүн, 11-сентябрда Алай районунда Кыргыз элинин улуу баатыры Алымбек датка Асанбий уулунун 225 жылдык мааракесине арналган облустук көк бөрү мелдешинин финалдык беттеши болуп өттү. Бул тууралуу Президенттин Ош облусундагы өкүлчүлүгү кабарлады.

Финалдык таймашта курч жана кызыктуу оюн көрсөтүлгөн. Алай-1 командасы күчтүү атаандашы Кара-Кулжа командасын 3:2 эсебинде жеңип, чемпиондук наамга ээ болду. 

Иш-чарага Президенттин Ош облусундагы ыйгарым укуктуу өкүлү Элчибек Жантаев катышып, оюнчуларды куттуктап, жеңүүчүлөргө сыйлыктарды тапшырды.

Жыйынтык төмөнкүдөй болду:

• 1-орун — Алай-1: 600 миң сом
• 2-орун — Кара-Кулжа: 400 миң сом
• 3-орун — Өзгөн: 200 миң сом
• 4-орун — Ноокат: 100 миң сом  

Ал эми калган командалардын ар бирине 50 миң сомдон тапшырылды.

Белгилей кетсек, бул мелдеш улуттук баалуулуктарды даңазалап, жаштар арасында көк бөрүгө болгон кызыгууну арттырууга багытталган.

Булак: koom.press