Акыркы убакта ЖЭБдеги авариядан кийин айрым эл өкүлдөрү тарабынан жылуулукка болгон тарифти көтөрүү керектиги тууралуу айтыла баштады. Бул имиштерди өкмөт башчысы Сапар Исаков да бекемдеп, андай кылбаса мамлекеттин акыбалы оордой турганын белгиледи.

«Бул өтө таалылуу тема, бирок, маселени жашырып коюп, популизм менен алектене берсек, жыйынтык болбойт.

Жылуулукка тарифти көтөрүү керек. ЖЭБ минуста иштеп, мамлекет тарабынан каржыланат. Аны менен катар эски жабдыктарды оңдоого жетиштүү каражат жок. Шаардыктарга акыбалды туура түшүндүрсөк, туура кабыл алышат. Тарифти көтөрүп, ал тарифти толугу менен төлөй албай тургандарга камкордук көрүүбүз керек», - дейт Исаков.