Темир Жумкадыров каза болгон жол кырсыгы боюнча соттук отурум башталды. Кечээ, 25-январда отурумда жол кырсыгына айыпталып жаткан  Афтандил Таалайбек уулу күнөөсүн моюнуна алды.

Бул тууралуу Жогорку соттон билдиришти.

Бирок, айыпталуучу  2 млн 127 миң сом чыгымды төлөй албай турганын айтты.

«Менда андай каражат жок, төлөй албайм», - деди.

Белгилей кетсек, айыпталуучу 25 жашта. Ал айдоочу жүк ташуучу унаа айдоого укук берген айдоочулук Е категориясын жол кырсыгына кабылганга  чейин төрт ай мурда алган.

Кийинки соттук териштирүү 30-январга белгиленди.  

Эске салсак,  вице-премьер-министр Темир Жумакадыров отурган автоунаа  7-октябрь күнү Бишкек-Чалдыбар жолунда жол кырсыгына туш болуп, андан улам вице-премьер, анын жардамчысы жана айдоочусу көз жумушкан.