Кыргызстанда да аялзаты саясатта активдүү экенин ушул эжебиз жалгыз даназалап келе жаткандай туюлат. Себеби, саясаттагы көп сандаган кыз-келиндердин бири да Токтайым апчедей даап, президенттикке талапкер болуп, бийлиги колунда жана байлыгы түмөн фавориттер менен салгылашкан жок. Казак-кыргыз башчыларынын ортосунда пикир келишпестик чыкканда, башкалар оозу менен дөөрүп олтурганда Токтайым Үмөталиева элдик дипломатия менен бул маселени чечүү керектигин айтып, иш жүзүндө аракет жасады. Чыркыраган чындык үчүн күрөшүн мындан ары да улантат деп ишенебиз!

Булак: «Майдан. kg» гезити