Кыргызстан Тышкы иштер министрлиги Москва шаарында кармалган террористтердин арасында кыргызстандыктардын бары-жогун териштирип баштады.

Бул тууралуу аталган мекемеден билдиришти.

Маалыматка караганда, тийиштүү көрсөтмө Кыргызстандын Россиядагы элчилигине берилди.

Москвада атайын операция 11-декабрда болгон. ФСБнын жетекчиси Александр Бортниковдун айтымында, террористтердин ок атуучу куралдары, колго жасалган жардыруучу ззаттары алынып, террористтердин куралдары жасала турган лаборатория жок кылынган. Белгилүү болгондой, кармалган террористтер ортоазиялыктар.