Португалиянын футбол командасынын мүчөсү Криштиану Роналду төртүнчү ирет ата болду.

Бул тууралуу футболист Истаграмдагы баракчасына жазды.

«Алана Мартина азыр эле көз жарды! Энеси да, кызым да өздөрүн жакшы сезип жатышат! Биз абдан бактылуубуз», - деп күйөрмандары менен кубанычын бөлүшкөн.

32 жаштагы футболист суррогаттык эки эненин кызматынан колдонуп, үч балалуу болгон. Жети жаштагы уулу жана ушул жылдын июнь айында төрөлгөн эгиз уул-кызы бар.