Мындай сунуш менен Ички иштер министрлиги Биринчи май райондук сотуна кайрылган.

Соттун чечимине ылайык, митингдерди өткөрүүгө болгон чектөө 1-августтан 20-октябрга чейин созулат.

Буга чейин сот имараттарына жакын жашаган шаар тургундары дагы нааразы болуп кайрылышкан. Анда жашоочулар дайыма болуучу митингдерден өз үйлөрүнө кире албай калгандыктарын, үн күчөткүчтөрдү колдонуп, урушуп-талашып тынчтык бербей жаткандарын айтып даттанышкан.

Белгилей кетсек, буга чейин Биринчи Май райондук сотунун алдында экс-депутат Садыр Жапаровдун тарапташтары чогулушуп, аны бошотууну талап кылып келишкен.

Мындан сырткары, соттун имаратынын жанына депутат Өмүрбек Текебаевдин жана мурунку министр Дүйшөнкул Чотоновдун дагы тарапташтары келишип, нааразычылыктарын билдирип жатышкан.

“Майдан-пресс”, Булак: “Майдан. kg” гезити