БШКнын токтомуна ылайык, президенттикке талапкерлер 30 000 кол топтошу зарыл.

Талапкер көрсөтүлгөндөн тартып, шайлоого 50 күн калганга чейин, башкача айтканда, 26-августка чейин, кол коюлган баракчаны БШКга берүүгө тийиш. Текшерүү 5-сентябрда аягына чыгат.

«Ата Мекен» фракциясынын катчылыгы БШК президенттикке талапкерлердин каттоодон өтүшүнө  кол чогултууну талап кылууга укугу жок деп билдирди.

 Катчылык белгилегендей, КР «Президенттик жана парламенттик шайлоо тууралуу» мыйзамында талапкердин каттоодон өтүшүнө кандай документтер керектиги так жазылган. Анда кол чогултуу боюнча талап жок.