Тараптар “Ислам мамлекети” террордук уюму менен терроризмди каржылоого каршы күрөшүү маселелерин талкуулап, коомдогу радикалдуу маанайга жол бербөө жана БУУ, ШКУ, ЖККУ алкагында контртеррористтик кызматташуу боюнча пикир алышты.

Кемелова коопсуздуктун жаңы коркунучтарын жана чакырыктарын жок кылуу үчүн эки өлкөнүн компетенттүү органдары өз маалында маалымат алмашып, күчтөрдү бириктирүү маанилүүлүгүн белгиледи.

Кеңешме учурунда ТИМ өкүлдөрү саясий, соода-экономикалык, маданий-гуманитардык кызматташуулар боюнча сүйлөштү. Ошол эле маалда Орусияга келген эмгек мигранттары, аларды ишке орноштуруу, “кара тизмеден” чыгаруу жана Москвадагы өрттөн каза болгон кыз-келиндердин ишине байланыштуу тергөөнүн жүрүшү талкууланды.