Үстүбүздөгү жылдын 1-июлунан тартып Орусия Федерациясына барууну пландап жаткан Кыргызстандын жарандары «Госуслуги RuID» мобилдик тиркемеси аркылуу алдын ала каттоодон өтүүгө милдеттүү. Бул тууралуу «Биринчи радио» улуттук каналынын түз эфиринде КР ТИМдин Консулдук департаментинин директорунун орун басары Алмаз Байбосов билдирди.

Анын айтымында, жаңы талап жумушка, окууга же жеке сапар менен бара жаткан бардык жарандарга өзгөчөлүксүз тиешелүү. РФга кирүү ниети тууралуу электрондук билдирүү чек ара көзөмөлүнөн өтүүгө 72 сааттан кечиктирилбестен түзүлүп жана жөнөтүлүшү керек.

Анкета иштелип чыккандан кийин, система 90 күн бою жарактуу болгон жеке QR-кодду иштеп чыгат. Аны чек ара кызматтары паспорт менен бирге талап кылышат.

КР ТИМ жарандарды депортациялоодон жана өткөрүү пункттарында өлкөгө кирбей калуудан сактануу үчүн бул жаңы эрежеге олуттуу мамиле кылууга чакырды.