Президент Садыр Жапаров тууралуу документалдуу тасма жарык көрдү. Бул тууралуу аталган тасманын автору Айбек Бийбосунов билдирди.

«Достор, сиздерге “Президент” деп аталган документалдуу тасмабызды сунуштаганы турабыз. Анда президент Садыр Жапаров соңку 4-5 жылдагы негизги саясий окуяларга кенен токтолуп, буга чейин коомчулукка чыга элек маалыматтар менен бөлүштү. УКМКнын төрагасы Камчыбек Ташиев да биз менен ачык болду деп айта алам»- дейт Бийбосунов өз сөзүндө.

Белгилей кетсек, документалдуу тасма төрт сериядан турат. Биринчи сериясы бүгүн, 5-январда саат 19:00до, калганы 6-7-8-январда Айбек Бийбосун уулу ютуб каналында жана өлкөдөгү бардык телеканалдарда көрсөтүлө турганы айтылды.

Булак: 7tv.kg