Бишкекте 12 айдын ичинде 1 917 трансформатор оңдолду. Бул тууралуу Энергетика министрлигинен билдиришти.

Мындан тышкары, быйыл Бишкек шаарында жаңы 110/10 кВ «Мурас» жогорку чыңалуудагы көмөк чордону курулуп, пайдаланууга берилди. Бул көмөк чорон төмөнкү заманбап жабдуулар менен жабдылган:

• кубаттуулугу 40 000 кВА болгон трансформатор;
• 110 кВ элегаз өчүргүчтөр;
• 110 кВ ажыраткычтар;
• 10 кВ тышкы орнотуудагы комплекттүү бөлүштүрүү түзүлүшү (КРУН).

2025-жылдын жыйынтыгы боюнча төмөнкү капиталдык оңдоо иштери аткарылды:

• 220–110/35 кВ чыңалуудагы 6 көмөк чордондун жабдуулары;
• 6–10/0,4 кВ чыңалуудагы 336 трансформатордук көмөк чордондор (ТП);
• 220–110/35 кВ чыңалуудагы 26,7 км электр аба чубалгылары (ЭАЧ);
• 10–0,4 кВ чыңалуудагы 148 км электр аба чубалгылары.

Ошондой эле төмөнкү кезектеги оңдоо иштери жүргүзүлдү:

• 220–110/35 кВ чыңалуудагы 47 көмөк чордондун жабдуулары;
• 6–10/0,4 кВ чыңалуудагы 1 917 трансформатордук көмөк чордондор (ТП);
• 220–110/35 кВ чыңалуудагы 560 км электр аба чубалгылары;
• 10–0,4 кВ чыңалуудагы 2 175 км электр аба чубалгылары;
• 10–0,4 кВ чыңалуудагы 891 км кабелдик аба чубалгылары.

Реконструкциялоо жана капиталдык курулуш планынын алкагында 12 ай ичинде:

• 2 850 «акылдуу» эсептегич орнотулду;
• 87 км электр аба чубалгылары СИП-2 зымдарына алмаштырылды;
• 31 км кабелдик чубалгылар заманбап жаңы кабелдерге алмаштырылды;
• 32 км электр аба чубалгылары СИП-3 зымдары менен тартылды;
• 6 км жаңы кабелдик чубалгылар курулду;
• 33 трансформатордун кубаттуулугу жогорулатылды.

Булак: Кабар