Бул тууралуу “Транс ордо” ЖЧКнын жетекчиси Мырзамат Чыңгараев билдирди.

Анын айтымында, эми эки өлкөнүн эли ушул маршруттук каттам менен жүрө алышат. Касансай – Ош – Касансай багыты Наманган автобекети аркылуу өтөт. Билеттин баасы Ош автобекетинен 450 сом, ал эми Касансайдан болсо – 70 миң сум. Жүргүнчүлөр "Достук" чек ара постторунан кичи автобуста өтүшөт. Багыттын аралыгы 170 чакырым, жолдогу убакыт 3-3,5 саатты түзөт.

“Союз мезгилиндеги маршруттук каттамды кайрадан жандандырдык. Бул каттам Өзбекстандагы Savanna компаниясынын демилгеси менен эл аралык социалдык долбоорлордун алкагында жүзөгө ашырылды”,-деди ал.

Ал белгилегендей, каттамдар дем алышсыз аткарылат.

“Учурда 10 кичи автобус бар. Жүргүнчүлөрдүн саны көбөйсө дагы автобустар кошулат”,-деди ал.

Булак: Кабар