Камчыбек Ташиев бүгүн, 9-августта Сузак районунун Барпы айылынын тургуну Марат Маткеримовдун үй бүлөсүнө жаңы турак-үйүн тапшырды. Жаңы үйдүн ачкычы жергиликтүү тургундардын, аксакалдардын катышуусунда берилди.

Марат Маткеримов Барпы айыл өкмөтүнүн Таш-Дөбө айылынын тургуну. Турак-жайга муктаждыгы болуп, көп жылдардан бери там курууга чамасы келбей жүргөнүн, зарылчылыктан улам Камчыбек Ташиевден жардам сурап кайрылганын айтат.

Кайрылуусу кабыл алынып, жаңы үй бардык заманбап жашоо шарты менен бир ай ичинде курулуп бүттү. Маткеримовдордун үй-бүлөсү үчүн бул чоң колдоо болгонун белгилешип, ыраазычылыктарын билдиришти.