Бүгүн, 30-апрелде таңга маал акын жана сатирик, КР Маданиятына эмгек сиңирген ишмер, Эл акыны Жолочу Рысбаев 74 жашында дүйнө салды. 

Бул тууралуу анын жакындары билдиришти. 

Жолочу Рысбаев 1949-жылы Ысык-Көл облусуна караштуу Түп районунун Жылуу-Булак айылында төрөлгөн. 

Кыргыз мамлекеттик университетинин филология факультетин аяктаган. 

Эмгек жолун 1975-жылдан тартып баштап, Кыргыз телерадиокомитетинде иштеген. Ал "Мыскыл жана тамаша", "Шибеге", "Бетке айткандын заары жок" ж.б. көрсөтүүлөрдү даярдаган. 

Кийинчерээк Чүй облустук  "Сары өзөн"телерадиокорпорациясында башкы редактор болуп иштеген. 

1988-жылдан тартып СССР жазуучулар Союзунун мүчөсү. 

Анын ырлардан, тамсилдерден жана сатиралардан турган бир нече китеби жарык көргөн.