КР ИИМдин Жол кыймылынын коопсуздугун камсыздоо башкы башкармалыгынын борбордук аппараты өмүр бою ички иштер органдарында анын ичинен жол кыймылынын коопсуздугун камсыздоо багытында кызмат өтөп келген кызматкерлерди бүгүн салтанаттуу түрдө ардактуу эс алууга узатышты.

Бул тууралуу аталган башкармалыктын басма сөз кызматы билдирди. 

Салтанаттуу иш-чарада башкы башкармалыктын жетекчиси ардактуу эс алууга узап жаткан ардагерлерге жалпы өздүк курамдын атынан куттуктап, бекем ден соолук, үй бүлөлүк бакыт жана кажыбас кайрат каалоо менен башкармалыктын атынан даярдалган ак калпак менен кыргыз кемселин кийгизишти.