УКМКга Кыргыз Республикасынын жараны А.А.Т. кайрылып, Ж.Б.А. аттуу жаран ажырашып кеткенине карабай, мурунку аялынын артынан сая түшүп жүргөнүн кабарлаган. Ошондой эле анын үй-бүлөлүк зомбулук фактылары системалуу түрдө катталганын билдирген. Бул тууралуу атайын кызмат билдирди. 

Тергөөнүн жүрүшүндө аныкталгандай, Кыргыз Республикасынын жараны А.А.Т.ны аңдып, кемсинтип, дайыма денесине залал келтирип турган Ж.Б.А. аныкталды. Мындан тышкары, мурдагы күйөөсү жашы жете элек балдардын көзүнчө мурунку аялына жана балдарына психологиялык басым көрсөтүү максатында бычак жана балта менен коркуткан. Ошондой эле, Ж.Б.А. маал-маалы менен кичүү баласын бала бакчадан чыгарып (ар-намысын жана кадыр-баркын кемсинткенден кийин энесине кайтарылган) жана улуу кызына энеси катышып жатканын көрсөткөн порнографиялык материалдарды жөнөткөн.

Белгилей кетсек, жабырлануучу бир нече жолу ички иштер органдарына кайрылып, мурдагы күйөөсүнө карата административдик чара көрүлгөн (Бишкек шаардык Ички иштер башкармалыгынын кабыл алуу-бөлүштүрүү жайына камакка алуу менен административдик жаза). Бирок жазасын өтөп бүткөндөн кийин Ж.Б.А. мыйзамсыз иштерин  кайра эле уланткан.

Аталган фактыларды текшерүүнүн жыйынтыгы менен КР УКМК тарабынан Кыргыз Республикасынын Кылмыш-жаза кодексинин 138-беренесинде каралган «Кыйноо» кылмыштын белгилери боюнча жана шектүү катары сотко чейинки өндүрүш иштери катталган. Мурунку аялына жана балдарына карата мыйзамсыз аракеттерди жасаганы үчүн кармалып, Бишкек шаардык ички иштер башкармалыгынын убактылуу кармоочу жайына камалды.

Учурда тергөө иштери уланууда.

"Кыргыз Республикасынын Улуттук коопсуздук мамлекеттик комитети үй-бүлөлүк зомбулук фактыларына жол берилбестигин эскертет, эгерде аныкталса, Кыргыз Республикасынын мыйзамдарына ылайык катуу чаралар көрүлөт, мындай фактылар катталган учурда дароо бизге билдирүүнү өтүнөбүз", - деп айтылат маалыматта.