"5-канал" жана "Пирамида" телеканалдары банкрот болгонуна байланыштуу жабыла турган болду. Бул тууралуу  Жогорку Кеңештин Бюджет, экономикалык жана фискалдык саясат боюнча комитетинин жыйынында Маданият, маалымат, спорт жана жаштар саясаты министринин орун басары Чыңгыз Эсенгул уулу билдирди.

Ал бул маселе боюнча бүгүнкү күндө Мамлекеттик мүлктү башкаруу фонду иштеп жатканын белгиледи. 

Айтымында, 5-каналды Бишкек шаарынын мэриясына, "Пирамиданы" "Кыргызалтын" ААКка өткөрүп берүү аракеттери токтотулду.