Бүгүн, 27-январда Кыргызстан менен Өзбекстандын президенттери тар жана кеңейтилген форматтагы сүйлөшүүлөрдү жүргүздү. Анын жыйынтыгында жыйынтыгында Кыргызстанда автоунаа жана коммерциялык техникаларды чыгарууну уюштуруу боюнча кызматташууга келишим түзүлдү.
Документке Кыргызстандын Министрлер Кабинети жана Өзбекстандын өкмөтү тарабынан кол коюлду.
Бул келишимде Бишкекке жакын жерде Ravon үлгүсүндөгү унаасын чогултууну ишке ашырууну каралган. Биргелешкен кыргыз-өзбек ишканасы Чүй облусунун Москва районунун аймагында ачылат. Ишкананын ишмердүүлүгү “УзАвтоСаноат” жана ата мекендик “ДТ Техник” жана “НУР” компаниялары тарабынан ишке ашат. Бул долбоор боюнча алгачкы меморандумга 2017-жылы кол коюлган. Ошол жылдан бери бир топ сүйлөшүүлөр жүрүп, талаштуу маселелер чечилди", - деп билдирди КР Инвестициялар боюнча улуттук агенттигинин директорунун орун басары Нурадил Баясаов.
Аталган меморандумга ылайык, ISUZU автобустарды жана RAVON маркасындагы жеңил унааларды 2018-жылдын аягында чыгаруу пландалган. 2017-жылы декабрда Бишкекте Кыргызстанда чыгаруу пландалган RAVON R2, RAVON NEXIA R3, RAVON R4 и также RAVON GENTRA унааларынын бет ачары жана тест-драйвы өткөн.