Бүгүн Жогорку Кеңеште "Мекенчил" депутаттык тобунун жыйынында спикер Нурланбек Шакиев мугалимдер техниканы колдонууну үйрөнүүсү керектигин айтты.
"Айрым мектептерде информатика сабагынан берген мугалимдер коюмпьютерде иштегенди билишпейт. Окуучулар аларга караганда көптү билишет дагы мугалимди үйрөтүшөт. Башка өлкөлөрдө окуучуларды гуманитардык жана так билим боюнча билим алууга бөлүшөт. А бизде баарын чогуу окутушат. Жыйынтыгында, мындан да пайда жок, тигинден да пайда жок. Биз бул системаны киргизишибиз керек. Мектептерде 10 жылдан англис тилин окутушат, бирок бала жеке курстарга барып гана англис тилинде сүйлөй баштайт", - деди спикер.
Ошондой эле, жогорку окуу жайларындагы билим берүүгө да токтолду.
"Университеттерде студенттердин сабакка катышуусу аз. Буга министр көңүл буруп текшериши керек. Сабакка 2-3төн эле студент келет. Анан кайдан сапат болсун. Жогорку окуу жайларында коррупция чоң. Сабакка келбеген студент мугалимдерге пара берет, а мугалимдердин айлык акысы аз", - деди спикер.