Адахан Мадумаровду колдогон жаратылыш күчү укмуштуудай эле экен. Ар бир инсанга коюлган ат анын тагдырын өмүр бою коштоп жүрөт. Азан чакырылып коюлган аты Ада (Бүттү) хан экенине карабай бийликтин, байлыктын сересине жетти. Улам "ада" болгонуна карабай бийликте бир топ сүйлөп жүрдү.
Адам баласынын көзү көрдүн топурагына гана тоёт тура, чиркин. Кыргызга кылган башка кылыгын айтпай эле коёлу. Каркыраны, Ысык-Көлдөгү төрт пансионатты 54 гектар жери менен кайындарына карматып, 87 эр-азаматтын өлүмүнө забын болгондон кийин эле кысчу жерин кысса болбойт беле. Өлкө ушул бойдон эле башкаруусуз тура бермек беле. Мыйзам алдында жооп берчү күн да келет.
Же "ада" болгон Адахан Мадумаров мезгилинен мурда ташбараңга алынып өлгөн жүрөбү? Адахан Мадумаров кыргыздын жерин саткандыгы үчүн өмүрү менен жооп берсе, балдары акыр кыяматка чейин беттеринде эл душманынын урпактары деген көөнү жамынып жүрөт.
Эл сөзү