Депутат Дастан Бекешев спикерликке талапкер Канатбек Исаевге суроо берди: "Парламенттик шайлоого катышасызбы? Катышсаңыз спикер катары административдик ресурсту колдонбойсузбу? Фонддогу каражат булагын пайдаланбайсызбы?"
Канатбек Исаев шайлоого катышпайбыз деп айта албады. Ал баары кырдаалга жараша болоорун белгиледи.
"Менин катышууга ниетим бар. Бирок алдыда кандай болоорун билбейм. Партиядагылар биргелешип чечебиз. Балким блок-блокко бөлүнүп, саясий күчтөр биригет чыгаарбыз. Ал эми фонд тууралуу айтсам, фонддо акча деле калбай калды болуш керек", - деди.