Министрлер кабинетинин төрагасынын биринчи орун басары Данияр Амангелдиев Россиянын Кыргызстандагы элчиси Сергей Вакунов менен жолугушканын өкмөттөн билдиришти.
Сүйлөшүүнүн жүрүшүндө соода-экономикалык, энергетика жана маданий-гуманитардык чөйрөлөрдө кызматташуу маселелерин талкуулап, эки тараптуу алаканын учурдагы жагдайларын да талдашкан.
"Данияр Амангелдиев менен Сергей Вакунов Кыргызстан-Россия өкмөттөр аралык комиссиясынын Бишкекте өтө турган кезектеги жыйынына кылдат даярдык көрүүнүн маанилүүлүгүн белгилешти", — деп айтылат маалыматта.
Булак: sputnik.kg