Кыдырбаев Улан Орозбекович Дене тарбия жана спорт мамлекеттик агенттигинин директорунун жаңы орун басары болуп дайындалды.
Агенттиктен билдиришкендей, бүгүн жаңы орун басарды эмгек жамаатына президенттин администрациясынын президенттин жана министрлер кабинетинин чечимдерин даярдоо боюнча башкармалыгынын тармактык саясат бөлүмүнүн башкы эксперти Чыңгыз Эсенгул уулу тааныштырды. Ал Улан Кыдырбаев дене тарбия жана спорт тармагында кеңири тажрыйбага ээ экенин белгиледи.
Иш-чаранын жүрүшүндө спорттук инфратүзүмдү өнүктүрүү, массалык спортту колдоо жана кесиптик спортту илгерилетүү өлкөнүн артыкчылыктуу багыттары катары белгиленди.
Жаңы дайындалган орун басар ишке толук киришүүгө даяр экенин билдирип, дене тарбия жана спорт тармагындагы мамлекеттик саясатты ишке ашырууну уланта тургандыгын айтты.
Кыдырбаев Улан Орозобековичтин эмгек тажрыйбасы:
- 2006-2007-жылдары Чүй райондук мамлекеттик администрациясына караштуу дене тарбия жана спорт комитетинин жетектөөчү адиси:
- 2007-2010-жылдары Чүй райондук мамлекеттик администрациясына караштуу дене тарбия жана спорт комитетинин төрагасы;
- 2010-2015-жылдары Чүй райондук мамлекеттик администрациясынанын дене тарбия жана спорт бөлүмүнүн жетектөөчүсү;
- 2015-2017-жылдары Чүй облусунун жаштар, дене тарбия жана спорт иштери боюнча башкармасынын башчысынын орун басары;
- 2017-2025-жылдары Чүй облусунун дене тарбия жана спорт башкармасынын башчысы.