"Социал-демократтар" партиясынын лидери Темирлан Султанбеков Кыргызстандын мурунку президенти Алмазбек Атамбаев менен Казакстандын биринчи президенти Нурсултан Назарбаевдин ортосундагы пикир келишпестикке эмне себепкер болгонун айтып берди. Ага Атамбаевдин 2017-жылдын октябрь айында айтылган сөзү эмес, 2016-жылы "Ата-Бейит" мемориалына байланыштуу окуялар уруштун башталышына негиз болгон.
Kaktus.kg редакциясы саясатчынын билдирүүсүн толугу менен келтирет.
"Кыргыз Республикасынын экс-президенти Алмазбек Атамбаев жакында казак элине кайрылып, аны боордошторубуз абдан жылуу кабыл алганын билесиздер.
Кайрылуусунда Алмазбек Атамбаев Нурсултан Назарбаев менен мамилеси 2016-жылдын сентябрынан кийин начарлаганын белгиледи.
Ал арада Кыргызстан менен Казакстандын элдери эле эмес, атүгүл жогорку саясий чөйрөнүн өкүлдөрү да Атамбаев менен Назарбаевдин мамилеси Алмазбек Шаршеновичдин 2017-жылдын октябрында Кыргызстандын шайлоо процессине кийлигишкенине жооп катары Нурсултан Абишевичге каршы сүйлөгөн сөзүнөн кийин үзүлгөн деп эсептешет. Анда Атамбаев кайсы окуя жөнүндө айтып кетти?
2016-жылдын сентябрь айынын башында бүткүл коомго чоң дем берип, Кыргызстандын ар бир жаранын жаңы ийгиликтерге шыктандырып, өлкөбүздүн жаркын келечегине ишенимди жараткан Экинчи Дүйнөлүк көчмөндөр оюндары болуп өттү...
Ал эми 2016-жылдын 16-сентябрында КМШга мүчө-мамлекеттердин башчыларынын кеңешинин төрагасы, Кыргыз Республикасынын Президенти А.Атамбаевдин төрагалыгы алдында КМШга мүчө-мамлекеттердин башчыларынын кеңешинин юбилейлик жыйыны болуп өттү.
Булак: kaktus.kg