Бишкек, «Саясат. kg».  БШК шайлоо жыйынтыгын 20 күндүн ичинде жарыялайт.

Президенттик шайлоонун акыркы жыйынтыктыгы  20 күндүн ичинде  жарыяланышы керек.

Бул тууралуу бүгүн  маалымат жыйынында БШКнын төрайымы Нуржан Шайлдабекова билдирди.

«Азыр  автоматтык эсептөөчү урналар алдын ала жыйынтыктарды чыгарып жатат. Автоматтык эсептөөчү урналардын жыйынтыктары эсептелгенден кийин добуштар кол менен саналат. Кол менен саналгандан кийин  акыркы жыйынтык чыгат. Ал тууралуу протоколдор аймактык шайлоо комиссияларына берилет. Алар жалпылаштырып кагаз түрүндө кайра  тапшырып берет. Ошентип, акыркы жыйынтык 20 күндөн кечиктирилбей аныкталат", - деди Шайлдабекова.