Президенттик шайлоо

Подробности
Категория: Президенттик шайлоо
Просмотров: 1555

БШК 26-октябрдагы кезектеги жыйынында 18 эл аралык уюмдун 124 байкоочу өкүлдөрүн каттады.
 
Баяндамачы Б.Исаков билдиргендей, түрк тилдүү өлкөлөрдүн парламенттик ассамблеясы – 6, Азия жана Африка элдеринин Орусия коомчулугу менен кызматташтыгы жана шериктештиги – 2, Түрк тилдүү мамлекеттеринин кызматташтык уюму – 6, Ислам парламенттер аралык кызматташтык уюму – 1, «Мармара групп» эл аралык стратегиялык-изилдөө фонду - 1, Иран Акыйкатчысынан – 3, Оман, Тажикстан, Монголия, Австралия Акыйкатчысынан бирден, КМШнын парламенттер аралык ассамблеясы – 2, Казакстандын адам укуктары боюнча улуттук борборунан 1 адам, КМШ миссиясынан - 2, Ирандын Кыргызстандагы Элчилиги - 6, Кыргызстандагы ЮАР Элчилиги - 2, Белгия Элчиги - 1, ЕКУУнун адам укуктары жана демократия институту - 84 адам, Түркия – 3. Бардыгы болуп бүгүнкү күндө 725 эл аралык байкоочу аккредитациядан өттү.
 
Булак: Баракелде.

Подробности
Категория: Президенттик шайлоо
Просмотров: 1551

Бүгүнкү күндө 51 мамлекеттен жана 35 эл аралык уюмдан 601 байкоочу катталды, деп билдирди БШК төрагасы Туйгуналы Абдраимов маалымат жыйында.
 
Анын айтымында, бүгүнкү күндө дагы эл аралык байкоочуларды аккредитациядан өткөрүү иши улантылууда. «Кээ бир документтери туура эмес уюмдар да болуп жатат. Каттоодон баш тарткандар бар», - дейт ал. Ал эми жергиликтүү байкоочуларды каттоо эми башталат, алардын саны миңден аша турганын айтты.
 
Мындан тышкары, Т.Абдраимов 50 киши 4-8-11 жолудан башка шайлоо участкасына арызы менен каттоодон өткөнүн айтып, «Таласта бир жаран бардык 11 шайлоо участкасында каттоодон өтүптүр. Аны шайлоонун натыйжасын бурмалаганга аракет жасаган деп Башкы прокуратурага беребиз», - деди ал.
 
Анын айтымында, алдын ала республика боюнча 87 адам добуш берди. Бардык аймактык шайлоо комиссияларына урналар, картридждер таратылып берилүүдө. Добуш берүүдөн кийин бардык участкаларда факс аркылуу протоколдор жиберилип турат.
 
Ошондой эле ал аймактык шайлоо комиссияларга 108 млн сом бөлүнүп берилгенин айтты. Калемсаптар, кагаздар менен камсыз болушту жана айлык акыларга ошол суммадан бөлүнөт, деди ал. Ал эми БШКнын ишине бүгүнкү күндө 100 млн сом сарпталган.
 
Булак: Баракелде.

Подробности
Категория: Президенттик шайлоо
Просмотров: 1153

Борбордук шайлоо комиссиясынын төрагасы Туйгуналы Абдраимов 26-октябрда маалымат жыйынында билдиргендей, учурда шайлоочулардын тизмесин тактоо иши улантылууда.
 
Анын айтымында, бардык аймактык шайлоо комиссияларына шайлоо бюллетендери жеткирилип берилди. Республика боюнча 2 млн 923 миң бюллетень жиберилди. Андан тышкары, кайсы районго кандай номер менен кеткени да жазылып турат.
 
Азыркы мыйзамга ылайык, ар бир бюллетенде номер, корешок коюлган, деди төрага. Шайлоочулардын саны өскөндүгүнө байланыштуу, 170 миң бюллетень басылып чыкты. Бүгүнкү күндө шайлоочулардын саны такталса, эртеңден баштап кошумча бюллетендер таратылат.
 
Анын айтымында, шайлоочулардын саны 3 млн 6231 миң болду, бул көрсөткүч өсүшү да, ылдыйлашы да мүмкүн. Жалпы жонунан 160 миң киши тизмеге кошулуп, ошондой эле, 35 миң киши тизмеден алынган.
 
Мындан тышкары, каза болгон 19 миң киши алынды. Ал эми 3870 миң адам тизмеге бир нече жолу кайталап катталгандыгы аныкталып, тизмеден алынып жатат. «Бүгүнкү күндө шайлоочулардын саны дагы текшерилип атат. Жалпылап айтканда, шайлоочулардын саны 3 млндон ашты. Бул азайышы да, көбөйүшү да мүмкүн. Эртеңден баштап, баары такталып бүтөт», - деп айтты Т.Абдраимов.
 
Булак: Баракелде.

Подробности
Категория: Президенттик шайлоо
Просмотров: 1834

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Подробности
Категория: Президенттик шайлоо
Просмотров: 1908

Бишкек - «Саясат.kg».   Учурда республиканын булуң бурчтарында Камчыбек Ташиев Алмазбек Атамбаевге кошулду, 18-октябрьда теледебаттан кийин К.Ташиев А.Атамбаев менен жолугушуп, 5 миллион долларга премьер-министр болууга макулдугун берди деген ушак баракчалары таркатылууда.

 
Бул тууралуу «Саясат.kg» агенттиги “Ата-Журт” партиясынын басмасөз катчысы Нургазы Анаркуловго кайрылды.
 
“Бул кадимки эле ушак, - дейт Н.Анаркулов – Алмазбек Атамбаев менен Камчыбек Ташиев же анын штабынын өкүлдөрү эч кандай сүйлөшүүлөрдү жүргүзгөн эмес жана жүргүзбөйт. Бул ушактар К.Ташиевдин оппоненттеринин штабдары аркылуу жасалып жаткан иш чаралар. Өзүңүздөргө белгилүү, карапайым калк азыр Камчыбек Ташиевди колдоодо. Ушундан улам каршылаштарынын айласы кетип, ушундай ушактарды таркатууда. Азыр элди мындай ушактар менен алдоо мүмкүн эмес. Чынында мындай ушакты уккан эл, буга кыжырданып,  кайра Ташиевди мурдагыдан да катуу колдоп жатат”.
 
 
 

 

Подробности
Категория: Президенттик шайлоо
Просмотров: 6104

 

 

Бишкек – “Саясат.kg”. 20-октябрдан баштап президенттике талапкер Камчыбек Ташиев Баткен областынын шайлоочулары менен жолугушуу өткөрүүдө.

Подробности
Категория: Президенттик шайлоо
Просмотров: 1863

Бүгүнкү күндөн шайлоочулардын тизмесине киргизүү жөнүндө жарандардын арыздарын кабыл алуу токтотулду. Бул тууралуу Борбордук шайлоо комиссиясынын мүчөсү Жаркын Бапанова “Азаттыкка” кабарлады. Участкалык шайлоо комиссиялары 20-октябрга чейин жарандардын жеке идентификациялык номерин тактап, тизмеге киргизишкен. БШК шайлоочулардын толук жана так тизмесин түзүү үчүн ушундай тактоолор зарыл экенин билдирген болчу.

 

 БШК мүчөсү Ишенбай Кадырбековдун “Азаттыкка” айтымында, шайлоочулардын болжолдуу тизмеси жарыялагандан тартып республика боюнча кошумча 22 миң адамдын аты-жөнү такталып, арыздын негизинде тизмеге киргизилген.
Булак: Азаттык.

 

Подробности
Категория: Президенттик шайлоо
Просмотров: 1731

Бишкек, «Саясат kg» - Автандил Белеков. КР Президентин шайлоого карата учурда жүрүп жаткан үгүт өнөктүгүн мыйзамдын чегинде өткөрүү боюнча прокуратура органдары тарабынан 10-октябрга карата 65 текшерүү жүргүзүлдү. Анын негизинде 71 прокурордук акт түзүлүп, мыйзамды бузган 3 учурга эскертүү берилди.

 

Ал эми 10 кызмат адамына мыйзамды бузгандыгы тууралуу эскертилди. Бул тууралуу КР башкы прокуратурасынын маалымат кызматы билдирди.

Ошондой эле жергиликтүү өзүн өзү башкаруу органы тарабынан участкалык шайлоо комиссиясына жардам көрсөтүлгөн эмес же байланыш каражаты, транспорт, добуш берүүчү кабина, бюллетендерди сактоо үчүн шарт түзүлбөгөн. Мындан тышкары айрым аймактарда шайлоо комиссияларынын мүчөлөрүнө эмгек отпускасы берилбеген.
Прокуратура органдарына баардыгы болуп үгүт өнөктүгү башталган мезгилден бери шайлоо тууралуу мыйзамдын бузулгандыгы боюнча 8 кайрылуу түшкөн:
 - 5 арыз прокуратура органдары тарабынан текшерилип, алардын экөөсүнө түшүндүрмө берилген жана дагы эки арызга кылмыш ишин козгоодон баш тартылган.
- 1 арыз канааттандырылган;
- 1 айрым талапкерлер тарабынан мөөнөтүнөн мурда үгүт жүргүзгөн арыз БШКга жөнөтүлгөн;
- 1 кайрылуу аймактык шайлоо комиссиясына жөнөтүлгөн;
- 1 арыз ички иштер министрлигине жөнөтүлгөн.
   Үгүт материалдарын атайлап жыртуу боюнча укук коргоо органдарына 10 материал түшкөн. Алардын үчөөсү Нарын облусунда катталган. Бул факты боюнча кылмыш аракети болбогондуктан, кылмыш ишин козгоодон баш тартылган. Ал эми эки факты боюнча кылмыш иши козголуп, тергөө жүрүп жатат.
Чүй облусунда 4 факт катталган. Эки факты боюнча кылмыш ишин козгоодон баш тартылып, баннерди күйгүзгөн жана уурдаган учур боюнча кылмыш иши козголду.
Бишкек шаары боюнча 1 факт катталып, Ленин РИИБ тарабынан КР ККнын 234-беренесине ылайык бул кылмышты жасаган адамды кармоо боюнча иш аракеттер жүрүүдө.
Жалал-Абад облусунда 2 факт катталып, кылмыш иши козголду.
Подробности
Категория: Президенттик шайлоо
Просмотров: 6952

 

 

Бишкек – «Саясат.kg». Ош областынын шайлоочулары президенттике талапкер Камчыбек Ташиевди колдоп, кийинки жолу президент болуп жолугушууга келиңиз деп батасын беришти – фоторепортаж.

Подробности
Категория: Президенттик шайлоо
Просмотров: 2225

“Кыргыз Республикасынын Президентин жана КР ЖК депутаттарын шайлоо жөнүндө Кыргыз Республикасынын конституциялык мыйзамына” ылайык атуулдар катталган жери боюнча эмес, жашаган дареги боюнча добуш беришет.

 Кыргыз Республикасынын шайлоолорду жана референдумдарды өткөрүү боюнча борбордук комиссиясынын төрагасы Туйгунаалы Абдраимов учурда шайлоочулардын тизмеси такталып жаткандыгын, алдын-ала маалыматтар боюнча алардын саны 2 миллион 800 миң экендигин билдирди.
 “2010-жылкы парламенттик шайлоодо атуулдар катталган жери боюнча жана кошумча тизме менен шайлоо укугуна ээ болушса, ыйзамдагы өзгөртүүлөргө ылайык кошумча тизме алынып салынды, атуулдар жашаган жери боюнча добуш беришет. Ал үчүн 20-октябрга чейин эң жакынкы шайлоо участогуна барып катталуу зарыл. Катталгандан соң 30-октябрь президенттик шайлоо күнү паспорт менен келип добуш берсе болот”-деди Т.Абдраимов.
 БШК мүчөсү Ишенбай Кадырбеков шайлоочулардын тизмесин тактоо боюнча, үймө-үй кыдыра турган мобилдүү топтор түзүлгөндүгүн, алар эртең 19-октябрда өз ишин жыйынтыктай тургандыгын айтты.
 “Республика боюнча бардыгы болуп 2 миң 40 шайлоо участогу бар. Ар бир участокто бирден мобилдүү топ иштейт. Алар үйлөрдү кыдыруу менен тизмени тактап, шайлоого чакырууларды таратышат”, - деп айтты И.Кадырбеков.
 Шайлоо мыйзамына ылайык чет өлкөдөгү кыргызстандыктардын консулдук учетко тургандары гана добуш бере алышат.
 «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 33-беренесинде жазылган:
 Шайлоочулардын тизмесине киргизилген, бирок ден соолугунун абалы же майыптыгы боюнча добуш берүү үчүн шайлоо участогуна келе албаган шайлоочулар; добуш берүү күнү ооруканаларда, шектүүлөрдү жана айыптууларды кайтаруу алдында кармоочу жайлардагы шайлоочулар;
 алыскы жана жетүү кыйын болгон райондордо, алыскы мал жайыт участокторунда убактылуу жашаган шайлоочулар;
 ошондой эле өзгөчө учурларда тиешелүү шайлоо комиссиясынын чечими боюнча аскер бөлүктөрүндө, эгерде алар убактылуу жүргөн жер өзүнүн жайгашкан орду боюнча кирген шайлоо участогунун аймагында туруктуу жашаса, добуш берүү күнү обочолонгон, калктуу конуштардын алыс жерлерде кызмат өтөп жатышкан аскер кызматкерлери, өзү жүргөн жери боюнча добуш беришет.
Булак: Кабар.

 

Подробности
Категория: Президенттик шайлоо
Просмотров: 1337

Шайлоочулардын тизмелерин тактоо иши 27-октябрда аяктайт, деп маалымдайт БШКнын шайлоочулардын тизмеси менен иштөө боюнча бөлүмүнүн башчысы Надежда Давкина 18-октябрда журналисттерге берген маегинде.

 

Анын айтымында, шайлоочулардын тизмелерин тактоо иши «Кыргыз Республикасынын президентин жана Жогорку Кеңештин депутаттарын шайлоо жөнүндө» конституциялык мыйзамда ылайык шайлоого 3 күн калганда аякталып, тиешелүү участкалык комиссияга өткөрүлүп берилет. «Азыр шайлоочулардын тизмесин тактоо боюнча түшкөн арыздардын 60% жакыны такталып бүттү. Эгерде шайлоочулар жалпы тизмеден өзүлөрүн таппаса, алар 20-октябрга чейин арыз менен кайрылса болот. Ошондой эле эгерде шайлоочунун аты-жөнү туура эмес болуп тизмеге кирип калса, аны оңдоо боюнча арыз менен кайрылса болот», - деди ал.
Н.Давкинанын айтымында, шайлоочулардын тизмелери менен иштөөгө 12 адамдан турган операторлордун тобу ишке татртылган.
Булак: Баракелде.

 

Подробности
Категория: Президенттик шайлоо
Просмотров: 930

«Алиби» гезитинин 18-октябрда чыккан санында маалымдалгандай, талапкер Өмүрбек Суваналиев алдыдагы шайлоодо Алмазбек Атамбаев менен бирге баруу ниети бар экенин билдирди. Бул боюнча кечээ айрым электрондук маалымат баракчалары жазып чыгышты.

 

Гезитте жазылгандай, буга чейин эки атаандаштын ортосун кара мышык аралап, бири-бирине тиш кайрап келгени белгилүү. Бирок, А.Атамбаев жигиттик кылып, генералдан калыс сөзү үчүн Ыйык Рамазан айында кечирим сураганын эшиттик, дейт гезит. 
«Азырынча Катани мырза расмий сунуш бере элек, бирок, алдыдагы теледебаттарда бул оюн коомчулуктун алдында билдирээрин эшиттик. Демек, генералдын артынан дагы канча форма кийген мырзалар АШАнын командасына бет алышаар экен?», - деп жазылган гезитте.
 
Булак: «Алиби».

 

Подробности
Категория: Президенттик шайлоо
Просмотров: 2223

«Алиби» гезитинин 18-октябрда чыккан санында жазылгандай, президенттикке талапкер, океандын ары жагынан опут топтоп келген Кубатбек Байболовдун бир канча көрнөк-жарнактары уурдалгандыгы айтылууда.
 
«Бул ишке ким кызыгып жатканын биле албадык. Балким көчөдө жүргөн боз балдар эриккенден тытып коюп жатышкандыр. Же болбосо дагы бирөө «көң жапканга» ылайыктуу деп сыйрып алганбы? Иши кылып, ким кылса деле албетте, бул майда кылмышка кирери чын. Бирок, К.Байболовдун тарапташтары аны саясий бут тосуучулукка теңеп, кайсы бир атаандаштарынын жасаганы катары билдирип жатышат», - деп жазылган.
 
«Кызыгы, азырынча К.Байболов алдыңкы үчилтикке кире турган чыгаан талапкерден деле эмес. Ага ким бут тосуп жатат болду экен?», - деп кошумчаланат гезитте.
 
Булак: «Алиби».

Подробности
Категория: Президенттик шайлоо
Просмотров: 1975

 

Президенттикке талапкер болуп катталган Акылбек Жапаров шайлоодон баш тартып жатканы тууралуу арызды Боршайкомго жолдоду.
 
БШКнын басма сөз кызматынан маалымдашкандай, балким, бул арыз Боршайкомдун эртеңки жыйынында каралышы мүмкүн. Президенттикке талапкер болуп катталгандан кийин маарадан өз эрки менен четтегендер буга чейин төртөө болчу - Марат Султанов, Нариман Түлеев, Исхак Масалиев жана Шамшыбек Медетбеков.Эгер БШК Жапаровдун арызын канааттандырса, шайлоого катыша турган талапкерлердин саны 19 болот.
 
Түлеев, Масалиев, Медетбеков жана Жапаровдун аты-жөнү шайлоо бюллетендерине кирип калгандыктан, аларды ар бир шайлоо участкасында кол менен сызып чыгышмай болду. Бюллетендерди басуу 10-октябрда башталган, 19-октябрда аяктайт. Жалпысынан 2 миллион 870 миңге жакын бюллетен басылып чыгат.
 
Булак: «Азаттык» радиосу.

 

Подробности
Категория: Президенттик шайлоо
Просмотров: 6749

 

 

Бишкек – «Саясат.kg». Жалал-Абад, Ош областарында президенттик кызматка талапкер Камчыбек Ташиевди мидеген шайлоочулар президент болуп келиңиз деп ак батасын беришти.

Подробности
Категория: Президенттик шайлоо
Просмотров: 1050

Кыргызстанда бүгүнкү күндө 23 талапкер тизмеге түштү, деп билдирет БШКнын төрагасы Туйгуналы Абдраимов 17-октябрда маалымат жыйынында.

 

Анын айтымында, алардын төртөө өзүлөрүнүн талапкерлерин алып салышты. «Азыркы кезде 2 млн 800 млн бюллетень басып чыгарылды. Өзүнүн талапкерлигин алып салган талапкерлерди бюллетенден биздин кызматкерлер эми түнү бою кол менен чийип салганга мажбур болушат. Бул эми ашыкча жумушту талап кылат», - деди ал.

Булак: Баракелде.

Подробности
Категория: Президенттик шайлоо
Просмотров: 1323

Президент болом деп БШКга кайрылган Токтайым Үмөталиеваны талапкер кылып каттабоо боюнча БШКнын чечими күчүндө калтырылды. Бул тууралуу чечим бүгүн Жогорку Сотто кабыл алынганын соттун басма сөз катчысы Бактыбек Рысалиев маалымдады.
 
БШК 6-октябрда анык кол топтой алган жок деген негизде Үмөталиеваны президенттикке талапкер кылып каттабай койгон. Шайлоо 30-октябрда болот. Катталуу үчүн БШКга кайрылгандардын жалпы саны 80ден ашкан. Алардын 24ү гана 100 миң сом күрөө коюп, кыргыз тил сынагынан өтүп, 30 миңден кем эмес анык кол топтой алгандыктан талапкер болуп катталышкан.
 
Өз эрки менен шайлоого катышуудан 5 адам баш тартты. Алардын бирөөнөн азырынча БШКга расмий арыз келип түшө элек.
 
Булак: «Азаттык» радиосу.

Подробности
Категория: Президенттик шайлоо
Просмотров: 961

Шайлоого катышуудан баш тарткан талапкерлердин аты-жөнүн шайлоо бюллетендеринен участкалык комиссиялардын кызматкерлери сыя менен сызып чыгышат. Бул тууралуу "Азаттыкка" БШКдан маалымдашты. Бюллетендерди басып чыгаруу 10-октябрда башталган. Анда 23 талапкердин аты бар. 13-октябрда БШК отурумунда талапкерлер Нариман Түлеевдин, Исхак Масалиевдин жана Шамшыбек Медетбековдун берген арыздары боюнча алар маарадан четтетилген.
 
Эми Түлеев, Масалиев жана Медетбековдун фамилиялары ар бир бюллетенден кол менен өчүрүлүп чыгат. Акылбек Жапаров да талапкерлигин алганы тууралуу интернет-булактарынан маалым болгон. БШКнын ал боюнча расмий токтому азырынча жок. Шайлоо бюллетендерин басып чыгуу 19-октябрда аяктайт. Жалпысынан 2 миллион 870 миңге жакын бюллетен басылып чыгат. Кыргызстанда президенттик шайлоо 30-октябрда болот.
 
Булак: Азаттык.

 

Подробности
Категория: Президенттик шайлоо
Просмотров: 1023

Бүгүн, 17-октябрда, КТРК каналында президенттикке талапкердин теле таймашы башталат.
 
Теле таймаш түз ободо чагылдырылып, анда аймактардын жашоочуларынын видео суроолору жана Интернет сайттар аркылуу келген суроолор берилет. Муну менен катар теле таймашка талапкерлердин жактоочулары катышуу мүмкунчүлүгүнө ээ.
 
Былтыркы теле таймаш жогорку деңгээлде өткөндүктөн «Интерньюс» уюмунун сунушу менен бул жолу да талапкерлердин теле таймашын Кубат Оторбаев жана Динара Сүймалиева алып барат. 17-октябрда 20.15тен 21.45 чейин теле көрүүчүлөр түз эфирден президенттикке талапкер Марат Иманкулов, Салмоор Дыйканов жана Адахан Мадумаров катышкан теле таймашка күбө болушат.
 
Ал эми 18-октябрда ошол эле убакытта Камчыбек Ташиев, Турсунбай Бакир уулу жана Алмаз Каримов, 19-октябрда болсо Кубатбек Байболов, Кубанычбек Исабеков, Анарбек Калматовдордун теле таймашы болот. Учурда мына ошол түз обого чыгууга Коомдук биринчи каналдын чыгармачыл жамааты акыркы даярдыктарды көрүүдө.
 
«Чучу кулак кармагандан кийин айрымдар талапкерлигин алып салгандан кийин бизде маселе жаралууда. Анткени теле таймашка чыкчулар бөлүнүп калган. Эми Боршайком менен чогуу бул маселени чогуу чечебиз», - деди КТРКнын башкы директору Кубат Оторбаев.
 
Булак: УТРК.

Подробности
Категория: Президенттик шайлоо
Просмотров: 1575

Президенттикке талапкер Кубатбек Байболовдун Балыкчы жана Чолпон-Ата шаарларындагы шайлоо баннерлерин кимдир бирөөлөр уурдап кетишти. Бул тууралуу "Азаттыкка" Байболовдун шайлоо штабынан маалымдашты.
 
14-октябрдан 15-октябрга караган түнү аталган эки шаарда илинип турган жеринен төрт баннер жоголгон. Жергиликтүү милиция "уурулук" деген берене боюнча кылмыш ишин козгоп, иликтөө жүргүзүп жатат. Нарында да Байболовдун эки жарнамалык баннери жоголгону кабарланды. Ички иштер министрлигинен "Азаттыкка" кабарлашкандай, "ар бир мындай факт каттоого алынып, тиешелүү чаралар көрүлүүдө".
 
Булак: Азаттык.