Бишкек, "Саясат.kg". Спорттук командалары спорттун беш түрү менен күч сынашат. 

УКМК төрагасынын кубогу үчүн командалык спорттун түрлөрү боюнча жыл сайын өтүүчү республикалык спартакиада башталды. Бул тууралуу УКМК билдирди. 

Маалыматка караганда, бүгүн, Ысык-Көл областында бардык облустук башкармалыктардын жана  өлүмдөрдүн кызматкерлеринин катышуусу менен КР УКМКнын төрагасынын кубогуна командалык спорттун түрлөрү боюнча жыл сайын өтүүчү республикалык спартакиада башталды.

Спартакиаданын салтанаттуу ачылышына УКМКнын төрагасынын биринчи орун басары генерал-лейтенант Р.А.Мамасадыков катышты. Ал кызматкерлердин ыкчам жана кызматтык ишинин жогорку эффективдүүлүгүн камсыз кылуунун багыттарынын бири катары, спортту өнүктүрүүнүн жана аскер кызматкерлеринин дене тарбиясынын деңгээлин жогорулатуунун маанилүүлүгүн белгиледи.

Быйылкы жылы коопсуздук органдарынын спорттук командалары волейбол, футбол, баскетбол, шахмат жана стол үстүндөгү теннис боюнча спорттун беш түрү менен күч сынашат.