Бишкек, "Саясат.kg". Бул тууралуу КР УКМКнын басма сөз борбору маалымдады.

Мыйзамсыз менчиктештирилген жер тилкелерин жана ишканаларды аныктоо жана кайтарып алуу боюнча жүргүзүлүп жаткан иштердин жүрүшүндө УКМК тарабынан Нарын облусунун Ак-Талаа районундагы мурдагы автотранспорт ишканасынын жалпы аянты 2,30 га жер тилкесин мыйзамсыз чыгарып кетүү фактысы аныкталды.

2003-жылы мамлекеттик органдардын айрым кызмат адамдары акционердик коомдун жооптуу кызматкерлери менен тил табышып, кызматтык абалынан кыянаттык менен пайдаланып, "Ак-Талаа АТП" ААКтын жер тилкесин жеке менчикке мыйзамсыз өткөрүп беришкен.

2024-жылдын 19-августунда бааланган наркы 45 млн сом болгон аталган жер тилкеси мамлекеттин балансына кайтарылды.