Бишкек, “Саясат.kg”. Бул тууралуу бүгүн КР УКМКнын басма сөз борбору билдирди.

КР УКМК тарабынан Кыргыз Республикасынын Казакстан Республикасы менен мамлекеттик чек ара тилкесинде контрабандалык ишмердикти аныктоого жана бөгөт коюуга багытталган ыкчам-издөө иш-чараларынын жүрүшүндө Талас облусунун аймагында Казакстандан Кыргыз Республикасына ири мүйүздүү малды алып өтүү аракети токтотулду.

Тактап айтканда, 2024-жылдын 15-августунда Талас облусунун Манас районуна караштуу Кайыңды айылынын чек ара тилкесиндеги “Ак-Таш” тоолуу аймагында КР УКМК жана  Чек ара кызматынын кызматкерлери биргеликте Казакстан Республикасынан КР аймагына мыйзамсыз мал алып өтүү учурунда КР жарандары, Талас районунун Сары-Булак айылынын жашоочулары Ш.К.Д. жана С.у.Б.ны кармады.

Учурда бул факты боюнча КР УКМК тарабынан тергөөгө чейинки текшерүү иштери башталды.