Бишкек, "Саясат.kg". Баштапкы маалыматтарга ылайык, шайлоочулардын 74,2% добуш берди.

Орусиядагы президенттик шайлоодо Владимир Путин жеңишке жетти. Ал протоколдордун 99,7% саналгандан кийин 87,3% добушка ээ болду. Бул анын бешинчи мөөнөтү жана 2030-жылга чейин өлкөнү башкарат.

Шайлоого төрт талапкер катышты. КПРФ партиясынан Николай Харитонов 4,3% добушка ээ болгон. Ал эми Владислав Даванков – 3,8%, Леонид Слуцкий – 3,2% алды. 1,4% бюллетендер жараксыз деп табылган.

Путин 2000-жылдан бери Орусиянын президенттигине беш жолу көрсөтүлгөндөн тарта эң жогорку жыйынтыкка ээ болду. 2018-жылы өткөн шайлоодо 76,7% добуш менен кайра шайланган.

Баштапкы маалыматтарга ылайык, шайлоочулардын 74,2% добуш берди. Ондогон аймактарда добуш берүүнүн көрсөткүчү бир өңчөй чыкты. Бул өзгөчө Дагестанда, Кемеров, Белгород, Иванов облустарында, Ханты-Мансы, Ямал-Ненец автоном облустарында байкалганын Свобода.ру сайты жазды.

Өкмөт менен байланышы бар борборлор жүргүзгөн экзит-поллдун жыйынтыгында Путин 87%дан ашык жыйынтык менен алдыда болгон.