М.Аскарбеков: Элибиздин, өндүрүштүн күндөн күнгө көбөйүп жаткан талабын канааттандыруу керек.

- Май айынан баштап, электр энергиясынын тарифи жогорулап, 23 тыйынга кымбаттары айтылууда. Энергетиктер тетиктердин эскилиги жеткенин айтып, тарифти көтөрүү аргасыз кадам экенин түшүндүрүшүүдө. Эл муну туура кабыл алабы? 

- Кыргыз Республикасы гидроресурстарынын болгону 10 пайызын гана колдонот. Президент 50гө  жакын кичи ГЭСтердин салынып башталганын жар салды. Таласта Бала- Саруу ГЭСинин курулаарын да айтып  жатышат. Генерацияны көбөйтүү, энергетика жаатында реформа жүргүзүү, коррупцияны жокко чыгаруу, материалдык базаны жаңылоо, экспорттук потенциалды жогорулатуу зарыл. Анткени элибиздин, өндүрүштүн күндөн күнгө көбөйүп жаткан талабын канааттандыруу керек. Мына ушул сыяктуу  стратегиялык чечимдерди кабыл алып, элге ачык жарыялап, анан тарифтер маселесин  койсо, эл туура кабыл алат деген ойдомун.