А.Акматалиев: "Садыр Жапаров шайлоочуларга берген убадасын аткарды, кенди Кыргызстандын башкаруусуна каратты..."

"Кумтөр" Кыргызстандын кызыкчылыгы үчүн иштеши керек деген көз карашты Садыр Жапаров мындан он жыл мурун карманган. Азыр ал үчүн кенди мамлекетке кайтаруу - ар-намыстын ишине айланды. Бул тууралуу саясат талдоочу Алмазбек Акматалиев билдирди. 

"Он жыл мурда Садыр Жапаров "Кумтөрдү" мамлекетке кайтаруу маселесин көтөргөн. Ошондуктан, кенди Кыргызстандын башкаруусуна өткөрүүнү шайлоо алдындагы планформасынын маанилүү пунктуна киргизгени мыйзам ченемдүү нерсе болду.

Садыр Жапаров шайлоочуларга берген убадасын аткарды, кенди Кыргызстандын башкаруусуна каратты. Эми бул ишти логикалык соңуна жеткирүүгө аракеттенип жатат. Бул ал үчүн ар - намыстын иши болуп калды", - деди саясат талдоочу.