2025-жылдын январь-май айларындагы экономикалык статистика Кыргызстандын жарандарынын кирешесинин туруктуу өсүшүн көрсөтүп турат.
Ишканалардын жана уюмдардын (чакан ишканаларды эсепке албаганда) кызматкерлеринин орточо айлык номиналдык чегерилген эмгек акысы 41339 сомду түздү, бул былтыркыга салыштырмалуу 19,1%га көп. Инфляцияны эсепке алуу менен реалдуу өсүш 11,1%ды түздү, бул калктын сатып алуу жөндөмдүүлүгүнүн байкаларлык жогорулагандыгын айгинелеп турат.
Ар бир тармактагы өсүш
Оң динамика экономикалык ишмердүүлүктүн бардык түрлөрүн камтыды. Эмгек акынын өсүшү боюнча алдыда болгон чөйрөлөр:
- кыймылсыз мүлк менен операциялар - +39,3%;
- курулуш - +38,5%;
- административдик жана көмөкчү ишмердүүлүк - +30,2%;
- саламаттыкты сактоо жана социалдык тейлөө - +27,0%;
- кесиптик, илимий жана техникалык ишмердүүлүк — +26,0%.
Бул жыйынтык ишкердик жигердүүлүктүн кеңейгендигин, негизги тармактарга инвестициялардын агылып келишин жана квалификациялуу жумушчу күчкө суроо-талаптын өсүшүн көрсөтүүдө.
Иштин түрлөрү боюнча орточо айлык эмгек акы (2025-жылдын январь-май айлары):
- айыл, токой жана балык чарбасы — 27 757 сом;
- кен казуу — 73 532;
- өндүрүш — 63 083;
- электр энергиясы, газ, буу менен камсыз кылуу — 54 065;
- суу менен камсыз кылуу, таштандыларды кайра иштетүү — 33 045;
- курулуш — 50 407;
- дүң жана чекене соода, автоунаа оңдоо — 47 385;
- ташуу жана сактоо — 53 756;
- мейманканалар жана ресторандар — 34 396;
- маалымат жана байланыш — 74 801;
- финансылык ортомчулук жана камсыздандыруу — 77 145;
- кыймылсыз мүлк менен операциялар — 40 642;
- кесиптик, илимий жана техникалык ишмердүүлүк — 50 331;
- административдик жана көмөкчү иш — 40 255;
- мамлекеттик башкаруу жана коргоо — 58 506;
- билим берүү — 26 235;
- саламаттыкты сактоо жана социалдык жактан тейлөө — 27 150;
- искусство, оюн-зоок жана эс алуу — 23 966;
- башка тейлөө иштери — 30 255 сом.
Социалдык аспект — коррупциялык тобокелдиктер менен күрөшүү
Министрлер кабинетинин төрагасынын орун басары — УКМКнын төрагасы Камчыбек Ташиев коррупциялык тобокелдиктерди азайтуу максатында мамлекет сот системасынын кызматкерлеринин маяналарын максаттуу түрдө жогорулатып жатканын белгиледи. Райондук судьялардын эң төмөнкү айлык акысы учурда 300 миң сом болсо, облустук жана Жогорку соттун судьяларыныкы андан да жогору.
"Бул иштер аларда коррупциялык тобокелдиктер болбошу үчүн жасалып жатат", - деп баса белгиледи ал.
Ошондой эле Ташиев мамлекеттик органдардын ишмердүүлүгүнө жарандардын канааттануусу менен баа берилиши керектигин айтты.
"Силердин бардык иштериңерде элдин ыраазычылыгы болуш керек. Бул өзгөчө прокуратура, укук коргоо, сот жана улуттук коопсуздук органдарынын кызматкерлерине тиешелүү", - деди ал.
Позитивдүү тенденция
2025-жылы эмгек акынын өсүшү өлкөнүн экономикасы туруктуу өнүгүүгө багыт алып, жарандардын кирешеси номиналдык гана эмес, реалдуу түрдө да көбөйүп жаткандыгынын белгиси. Негизги тармактарда эмгек акыны жогорулатуу боюнча жеке сектор да, мамлекеттик чаралар да бул процесске өз көмөгүн тийгизет.
Булак: Кабар