Түркияда 196 адамдан коронавирустун «британ штаммы» аныкталды
Түркияда коронавирустун мутацияланган түрү — «британ штаммына» чалдыккандардын саны 196га жетти. Бул тууралуу өлкөнүн Саламаттыкты сактоо министри Фахреттин Кожа Твиттер баракчасына жазды.
«Өлкөбүздө вирустун «британ штаммына» чалдыккандар 196га жетти. Мындан тышкары 2 адамдан Түштүк Африкада табылган түрү, 1 адамдан Бразилияда табылган түрү аныкталды», — деп жазды министр.
Ошондой эле өлкө калкын сактанууга, коопсуздукту күчөтүүгө чакырып, күрөш тынымсыз улана берерин билдирди.
Түркияда акыркы суткада алынган маалымат боюнча, 8 102 адам коронавируска чалдыгып, 117 адам каза тапкан. Пандемия башталгандан бери бул дартка чалдыккандардын саны 2 млн 300 миң адамдан ашып, 26 миң 354 бейтап көз жумган.
Булак: Маралфм