Кыргыз өзү башынан тексизге журт башкарган калк эмес эле. Тилекке каршы, 1917-жылдан кийин Совет доору орногондон баштап. Баягы Калыгул олуя атабыздын: “Уй пул болоор, Кул бий болоор” деген накыл кеби суу кечип, бир кезде уруусунан сүрүлүп чыгып, же тукуму менен кайсы бирөөгө жалданып тирилик кылгандын көбү “кедей дыйкандын үй-бүлөсүндө туулган” деген “артыкчылык” менен эл башкарып, натыйжада баягы тегин ылгоо деген нерсе бара-бара жоголду. 70-жыл ичинде элдин аң-сезими бир топ өзгөрдү. Элибиз эгемендик алгандан кийин уруу саясаты кайрадан жанданганы менен мамлекетти капысынан ортодон пайда болгон тексиздер башкарып келе жатканы да жашыруун эмес. Мисалга алсак, Кыргызстандын биринчи президенти Аскар Акаев өзүн кадимки Атаке баатырдын тукуму атаганы менен тарыхый маалыматтар ал киши Сарыбагыштын калмак тектүү Абыла тукумунан чыкканын тастыктайт. Ким кандай айла издесе дагы тарых деген өжөр фактыларды алдыбызга жайып коерун унутпасак.