Көп окулууда
-
Бишкек, “Саясат.kg”. Учурда ар бир адамдын оозун ачтырып, баш чайкаткан “MCN coin” каржы пирамидасыбы?
-
Садыр Жапаров: Азыр “Азаттыктын” жаңылыктарына эл муктаж эмес
-
Бишкек, "САЯСАТ.KG". Нуржан Шайлдабекова Боршайкомдун төрайымы кызматынан кетти.
-
Бишкек, "САЯСАТ.KG". Алар АКШнын миграциялык мыйзамдарын бузууга шектелүүдө
-
Бишкек, "САЯСАТ.KG". Айта турган сөзү бар адамдардын баарын угабыз.
Жаңылыктар
- Подробности
- Категория: Коом
- Подробности
- Категория: Саясат
Жалал-Абадда кээ бир тургундар К.Ташиевдин кол тийбестигин алуу боюнча аракеттерге нааразы болушууда
- Подробности
- Категория: Саясат
Башкы прокурор Аида Салянова “Ата Журт” фракциясынын жетекчиси Камчыбек Ташиевди кылмыш жоопкерчилигине тартуу үчүн анын кол тийбестик макамын алууга макулдук берүү жөнүндө сунушун Жогорку Кеңешке жолдогон. Бул маалыматты 14-июнда аталган органдын басма сөз кызматы тастыктаган. Ташиев муну алдыдагы президенттик шайлоого катыштырбоо максатында саясий буйрутма болгон деп баалап жатат.
Маалыматка ылайык, Камчыбек Ташиевге "кесиптеши Бахадыр Сулаймановду урду" деген айып боюнча кылмыш иши козголгон. Депутатка бейбашчылык боюнча айып тагылууда. Башкы прокуратуранын сунушу парламенттин регламентине ылайык күн тартибине коюлуп, каралмакчы.
- Подробности
- Категория: Саясат
- Подробности
- Категория: Коом
- Подробности
- Категория: Саясат
Жолугушуу учурунда бир тууган эки өлкөнүн эки тараптуу жана көп форматтагы кызматташтыгынын актуалдуу маселелери талкууланды. Президент Роза Отунбаева Н.Назарбаевге Казакстандын былтыркы жылы көрсөткөн жардамы үчүн ыраазычылык билдирди. Кыргызстан үчүн кыйын болгон 2010-жылда Казакстан жалпы жонунан 20 млн. доллардан ашык өлчөмдө жардам көрсөткөндүгү белгиленди.
Тараптар экт тараптуу мамилелердин динамикасы жакшы экендигин канааттануу менен белгилеп, ушул айдын аягында өтө турган эки өлкөнүн премьер-министрлеринин деңгээлиндеги өкмөттөр аралык комиссиянын ишинин күн тартибине киргизиле турган бир катар маселелерин талкуулашты.
Мамлекет башчылары Н.Назарбаевдин ушул жылдын август айында Кыргызстанга боло турган иш сапарынын, ошондой эле ушул эле күндөрдө Бишкекте өткөрүү пландаштырылып жаткан Кыргызстан менен Казакстан мамлекеттер аралык кеңешинин отурумунун күн тартибинин маселелерин талкуулашты.
Кыргызстанда күзүндө өтө турган президенттик шайлоолорго кайрылып, Н.Назарбаев алар демократиялуу, акыйкат жана айкындуулук шартында өтө тургандыгына ишенимин билдирди.
Экономикалык кызматташтыкты активдештирүү маселелерин талкуулоо учурунда Н.Назарбаев казак бизнесинин Кыргызстандын экономикасына инвестициялоого жана биргелешкен долбоорлорду ишке ашырууга катышууга кызыкдарлыгын билдирди.
Президент Роза Отунбаева инвестициялык кепилдиктерди камсыз кылуу маселелерин кароого даяр экендигин белгилеп, Кыргызстанда жагымдуу инвестициялык климатты түзүү боюнча көрүлүп жаткан чараларга токтолду.
Маек учурунда тараптар Казакстандын Кыргызстандын экономикасына инвестициялоо максатында 100 млн.долларлык каражаты бар инвестициялык фондуну түзүүсүнө байланышкан маселени да талкуулашты.
Жолугушуунун аягында ШКУ саммитине келген мамлекет башчылары үчүн ШКУнун 10 жылдык мааракесине арналган салтанаттуу концерт тартууланды.
Кечинде Роза Отунбаева Президент Н.Назарбаевдин атынан ШКУнун мааракесине байланыштуу уюштурулган салтанаттуу кабыл алууда болду.
Эртең, 15-июнда, мамлекет башчысынын ШКУга мүчө мамлекеттердин башчыларынын кеңешинин отурумуна катышуусу күтүлүүдө.
Кыргыз Республикасынын Президентинин пресс-кызматы
- Подробности
- Категория: Коом
13-июнда “Синцзянь Бейсин” аттуу жол куруучу компанияда иштеген 50 чакты кыргызстандык курулушчу нааразылык акцияга чыккан. Алар укуктары одоно бузулуп жатканын айтып даттанышкан болчу.
Бул иш боюнча жергиликтүү бийлик менен Байланыш жана транспорт министрлигинин өкүлдөрүнөн турган комиссия түзүлүп, иликтеп, укук бузулган жагдайлар бар экенин аныктап чыкты.
- Подробности
- Категория: Экономика
Президент Отунбаева кытай төрагасына июнь коогасынан кийин көрсөткөн жардамы үчүн ыраазычылык айтты. Президенттин маалымат кызматынын билдиришинче, тараптар жолугушууда Кыргызстандагы унаа жолдорду оңдоо жана куруу боюнча ири долбоорлор тууралуу пикир алмашты. Ош шаарында Кытайдын башкы консулдугун, ал эми Гуанчжоу шаарында Кыргызстандын башкы консулдугун ачууну макулдашты. ШКУнун Астана саммити бүгүн аяктайт.
- Подробности
- Категория: Коом
- Подробности
- Категория: Коом
Видеотасма
- Подробности
- Категория: Саясат
Алдын ала алынган маалыматтар боюнча, депутат Камчыбек Ташиевге бейбашчылык боюнча айып тагылууда. Бул тууралуу Баш прокуратуранын басма сөз кызматы бир аздан соң кененирээк маалымат таратаарын билдирди.
- Подробности
- Категория: Коом
- Подробности
- Категория: Саясат
- Подробности
- Категория: Коом
- Подробности
- Категория: Коом
- Подробности
- Категория: Саясат
- Подробности
- Категория: Саясат
Мамлекет башчысы ШКУга мүчө мамлекеттердин башчыларынын кеңешинин отурумуна катышып, жогорку деңгээлдеги бир катар эки тараптуу жолугушууларды өткөрүшү күтүлүүдө.
Кыргыз Республикасынын Президентинин пресс-кызматы
- Подробности
- Категория: Саясат
- Подробности
- Категория: Коом
- Подробности
- Категория: Саясат
Жооп: 10- июнда Ош калаасында эскерүү аземи өтүп, ага жалаң гана республикалык деңгээлдеги жетекчилер, Жогорку Кеңештин депутаттары гана эмес, Жалал-Абад, Ош облустарынын, ошондой эле дипломатиялык элчиликтердин өкүлдөрү, коноктор да келип катышты. Сүйлөгөндөрдүн бардыгы эле келечек кандай болушу керек, биз кантип туңгуюктан чыгып кетишибиз керек деген теманын тегерегинде сөз кылышты. Негизинен, турмушту кантип оңдоп, мындай окуялар кайталанбашы үчүн эмне кылуу керек деген темада сөз, тилекке каршы, аз болду. 18-июнда Кыргызстан калкы Ассамблеясынын курултайы өтөт. Ассамблеянын жыйынында улут аралык ырашкерликти, өнүгүү жөнүндө концепцияны караганы турабыз. Ошондой эле саясий консолидация, же болбосо бардыгын биримдикте Кыргызстанды өнүктүрүшүбүз керек деген концептуалдуу негиздөөчү документти, концепцияны акыркы вариантын карап чыгып, бекитмекчибиз. Бул концепция Кыргызстандын бардык жерлеринде каралып, талкууланып чыккан, анда биздин турмушубуздун ар кайсы багыттары камтылган. Билим берүү, маданият, экономика, кадрдык өзгөрүү сыяктуу маселелер чагылдырылган. Биздин Өкмөттүн жообу да ушул концепцияда келтирилген. Өзүңүздөр билгендей, июнь окуялары боюнча көптөгөн докладдар чыкты. Кыргызстанга керектүү, Кыргызстандын улуттук кызыкчылыгына жооп бере турган сунуштарды биз ишке ашырганга умтулуп жатабыз.
Суроо: Жогорку Кеңештин ишмердүүлүгүнө токтолуп кетсек. 9-июндагы кээ бир талкууларда кабыл алынган документтер, мыйзамдар журналисттер арасында түшүнүксүз ойлорду пайда кылды. Мисалы, ошол эле КТРК жөнүндө мыйзамдын кабыл алынышы. Президенттин резиденциясын Ошко көчүрүү деген мыйзам долбоору көпчүлүк добуш менен кабыл алынып, андан кийин биз эмне үчүн добуш берип жатабыз дегендей кылып, кийинки күнгө калтырылгандыгы тууралуу ойлор айтылды. Кийин алар Конституциянын кандайдыр бир мыйзамдарына же ошол эле кабыл алынып жаткан башка мыйзамдарга карама-каршы болуп калбайбы? Ушул жөнүндө пикириңиз.
Жооп: 9-10- июнда бир топ мыйзамдар кабыл алынды парламентте. Мен бир нерсеге токтолгум келет. Парламент мыйзамдуулуктун очогу болушу керек. Парламенттин отурумдарына депутаттар деле аз катышып жатат. Аны биз көрүп эле турабыз. Мына, 10-июнда парламенттин курамынын жарымы болгон жок десек болот. Айтып жатышат, “мына, өздөрүнүн добуштарын калтырып кетишти” деп. Ошондо деле канчалаган депуттар бири-бири үчүн кнопкаларды басып жаткандыгы бул күнүмдүк эле көрүнүш болуп калды. Негизинен фракциялардын ролу жогорулатылышы керек деп ойлойм. Биз парламенттик республика болгондон кийин ар бир добуш берүүдө партиянын принцибине, программасына ыктап добуш берилиши керек да. Азыркы маселелер каралып жатканда ким кандай добуш берип жатат, эмненин негизинде - түшүнүксүз болуп жатат. Ошол эле КТРК боюнча. Бул көп талкууга алынды. Ушул мыйзамдын автору Каныбек Иманалиев Литвага барып келди. Ошол жерден көрүп таанышып келди, кандай иштейт экен деген тыянакта. Жылдыз Жолдошева Грузияга барып келди. Мен ишенем, парламенттеги депутаттар Кыргызстанды алдыга тартканга аракет кылат деп. Азыр булар бекиткен мыйзам көп нерсеге карама-каршы болуп жатат. Мисалы, Жогорку Кеңеш өзүнүн өкүлдөрүн жиберет экен, бирок, Жогорку Кеңештин регламентинде мындай ыйгарым укук каралган эмес. Байкоочу кеңеш деген бул жөн эле мекеменин директорлор кеңеши эмес да. Бул башка организм, башка кеңеш. Муну дагы караштырышыбыз керек, дагы иштеп чыгышыбыз керек. Убактылуу Өкмөттүн Декретин жоюп жатканын да өзүнчө прецедент деп эсептесек болот. Мындай чечимди юстиция министрлиги качан эле кабыл алган болчу. Биз жалпы коомдук консенсуска келип жатабыз азыр. Убактылуу Өкмөттүн Декреттери күчүндө калышы керек деп. Башкача айтканда, бул маселелер боюнча көп нерселерди биз дагы такташыбыз керек. Мага мыйзам келгенден кийин биздин юристтер отуруп, дагы ийне-жибине чейин карап чыгат.
Президенттин резиденциясы көчсүн деген маселе боюнча. Бир топ министрликтер дагы көчсүн дептир. Эми мындай практика бар дүйнө жүзүндө. Министрликтер борбор калаадан башка жактарда жайгашса болот. Бирок, эсебин да билиши керек да. Мисалы, эсеп-кысабын караганда, айталы, Россия деген кандай өлкө. Санкт-Петербургга көчүрөбүз деп чоң аракеттерди жасашты, бир топ министрликтерин. 20 жыл ичинде колунан келгени бир гана Конституциялык сотту көчүрүштү. Ошондо да бул ишке 8 миллиард доллар сарпталды. Анан биз Бишкектен кетсин, ошол жакка эле жайгашсын дегендин өзү - тексиз саясат. Президенттин резиденциясы кайда жайгашаарын президент өзү чечет. Мен болсо кете турган кишимин. Канткен күндө да бул чечим президенттин өзүнүн укугунда. Президенттин Ошто резиденциясы бар. Ошол жерде иштегенге дагы, жашаганга дагы толук мүмкүнчүлүгү бар, парламент ага убара болбой эле койсун. Борбор шаарда дагы, Ошто дагы иштөө жөнүндө чечим мурда эле чыккан. Ага болбой эле борбордон көчүрөбүз деген саясатты Кыргызстандын пайдубалын жоготуу, бөлүп-жаруу саясаты деп эсептейт элем.
Суроо: Эми өткөн жумадагы эл аралык деңгээлдеги окуяга токтолсок. Венада болуп өткөн Европа жана Борбордук Азия боюнча экономикалык форумга катыштыңыз. Ал жердеги негизги сүртүмдөргө токтолуп өтсөңүз.
Жооп: Австрия - өнүккөн батыш өлкөсү. Нейтралдык мамлекет. Биздин катнаштарыбыз мына 20 жылдан бери өнүгүп келе жатат. Европа аймагында жана ЕККУга мүчө мамлекеттердин көңүлү Орто Азияга бурулуп жатат. Айрыкча, ЕККУ уюмуна мүчө мамлекеттердин учурдагы саясаты Балкандан Орто Азияга бурулууда. Быйылкы жыл Европа үчүн өтө чоң сыноо жылдарынан болду. Биринчиден, Фукусима авариясы Европадагы жүздөгөн АЭСтердин токтолушуна түрткү болду. Ар бир Европа өлкөлөрүндө чоң референдум болуп, абдан чоң өзгөрүүлөр болуп жатат. Газ, мунайзат жагынан булар Орто Азияга көз каранды болуп калып жаткандыгын түшүнүшүүдө. Австрия бизге дагы деле жардам берээрин айтууда. Биздеги демократиялык процесстерге ыраазы болуп жатышты. Биздин парламенттик жолго өтүп жатканыбыз буларга маалым. Ал жердеги Брунокрайский борборунда Кыргызстан туурасында өзүм маалымат берип, ЕККУнун 56 туруктуу элчилери жана 12 өнөктөш өлкөлөр - жалпысынан 70ке жакын өлкөлөрдүн өкүлдөрүнө - Кыргызстан туурасында айтып бердим. Бир топ элчилер бизди колдоп сөз сүйлөштү. Россия, Казакстан, Украина, Беларуссия, АКШ, Европа Кеңешинин атынан жана Венгриянын элчиси Кыргызстандагы жүрүп жаткан саясатты колдой тургандыгын билдирген сөз сүйлөштү. Бир жылдан бери бейпилдикте турмуш кечирип жатканыбыз, парламенттик жолго түшкөнүбүз, парламенттин түптөлүп жаткандыгы - мунун бардыгы туура багытта деп баа беришти. Кадыр-барктуу чоң форумда Кыргызстандын ички, тышкы саясатынын жактырылып жаткандыгы биз үчүн абдан маанилүү.