Анын айтымында, башкалардын минтип айтканга укуктары бар. Алар конституциялык укуктарын пайдаланып, жеке ойлорун айтып жатат.

 

«Бүгүнкү Конституция ийгиликтүү иштеп жатат. Азыркы саясий системанын негизги максаты — тең ата атаандаштыкты түзүү болгон. Баш мыйзамда оппозициянын күчтүү болуусуна кам көрүлгөн. Ал күчтүү болгондо гана теңтайлаша алат. Бийлик мурункудай болуп өзүм билемдик үстөмдүгүн жүргүзө албайт», - дейт Ө.Текебаев.

Анын айтымында, Ошто оппозиция утуп алды, эгер бийлик жакшы иштебесе, эртең алар Жалал-Абадды, андан начар иштесе Токмокту, Кара-Балтаны утуп алышы мүмкүн. Кийин республиканы утуп алышып, бийликке келип калышы бар.

 

«Ошол процесс бизде учурда болуп жатат. Күчтүү саясий оппозиция пайда болду, аларга конституциялык гарантия бар. Аларды эч ким кууп, тарата албайт. Демек, мен «атасы» делген Конституция өз максатына жетти деп ойлойм», - дейт Ө.Текебаев.

 

Ө.Текебаевдин пикиринде, оппозиция кээде аша чаап кетип жатышат, мунун менен алар сабак алып, үйрөнүп жатышат. Жүрүп отуруп такшалышат.

 

«Бирок булар жаңы шарттагы жаңы оппозиция. Азыр оппозицияда болуу коркунучтуу эмес. Өмүрүңдү, байлыгыңды жоготпойсуң. Демократиялык шарт. Эл колдосо район, шаар, облустарда бийликти колго аласың. Ошондуктан бүгүнкү оппозиция эртең бийликке келип калышы мүмкүн», - дейт Ө.Текебаев.

 

Ал белгилегендей, муну оппозиция да, бийлик да эстеринен чыгарбашы керек.

 

«Мен оппозициямын деп эле ашынган популисттикке барган болбойт. Кокус эртең өзүң бийликке келип калсаң, баары өзүңдүн моюнуңа жүктөлүшү бар. Эл «...кана, баатыр, бийликке келдиң, көрсөтчү кыйындыгыңды» дейт», - дейт Ө.Текебаев.

 

Баракелде 

Акүйдөгү кыргыздын тагдырын калчаган дөө-шаалардын катарына кошулгандан бери Турсунтай акеңердин көзүн май басканбы (?), айтор, айрым тар чөйрөлөрдө өзүн аябай көтөрө чалып, мактанып, кол алдындагыларга өзүм билемдик  кылып, кордоп, уруп сабатып, депортация кылдырып («милицияны сатып алгам» деп), майда соодагерлерди ары-бери кубалап, аларды чыгымга учуратып, ортодон кошумча акча таап, айтор, Кудайды көзгө илбей баратканы каңкууланууда.

 

Т.Салимовго байлык-бийлик аздык кылганбы (?), эми ал «эч кимди көзгө илбес, эч кимден корпос» бир баатыр сыяктуу өзүнө пиар жасай баштаганы кандай? Көпкөн депутат оозун көбүртүп, «мен деген, убагында, Рысбек Акматбаевди, Камчы Колбаевди, Алмамбет Анапияевди да тоготпой, аларга бир тыйын берген эмесмин. Рысбек Акматбаев мага наезд кылып, пул талап кылган. Мен ага «эчтеке бербейм» деп бетине ачык айтып, тоготпой койгом.  Беркилери келгенде да ушундай жооп алышкан. Жаныш Бакиев келип, «Мадинаны» же «Прадону» бер» дегенде, «ала алсаң экөөнү тең ал, бирок мен бербейм» деп ачык айткам. Менден бир тыйын да ала алган эмес. Кийин раматылык Медет Садыркуловго кайрылып, анын сунушу боюнча Курманбек Бакиевге кат жазып берип атып, аман калгам. Мени эч ким сындыра алган эмес. Жогорку Сотко чейин барып, акырына чейин турган жалгыз менмин. Ошондо Жогорку Соттун судьясы: «Турсунтай, кыргыздардын баары катын экен, баары жатып берди. Кыргызстанда жалгыз эркек бар экен, ал сен экенсиң» деп айтканы бар»  деген сыяктуу сөздөрдү жобурап, көзү өтүп кеткен, бийликте жок адамдардын артынан сөз сүйлөп, баягы «өлгөн арстандан коркпойм» деп короктогон чычкандай болуп, кыйынсынганы кандай?

 

Курманбек Бакиевдин заманында, анын үйбүлөөлүк-криминалдык бийлиги менен ачык салгылашып, камалып, запкы чеккен кыргыздын азаматтарын, төшүн окко тосуп, шейит кеткен баатыр уулдарын, түз айтканда, кайдагы бир маңкурт сот экөөнүн келекелегенге акысы барбы? Ошондо баатыр өңдөнгөн Турсунтайды ким көрүптүр, катын сыяктуулардын арасында эле жүрүп, өрт өчкөндөн кийин, жаңы бийликке жагынганга өтүп, Алмазбек Атамбаевге жатып бербеди беле? Же калппы?

 

Алып-сатар депутатыбыз «криминалды уруп ойнобойм» деген менен гана чектелбестен, бир чети сөзүм ишенчиликтүү болсун (!) дегендей, экинчиден, эл көзүнө «кой оозунан чөп албаган» Кудайы момун, кумурскага жаманчылык кылбаган адилет адам катары өзүн сүрөттөп, бир ирет гана кой сойгонун эстеп, өкүнүмүш болуп, «Бишкек-Торугарт жолундагы бир автобус кытайлык соодагерлерди мен өрттөткөн эмесмин, Рысбек өрттөткөн» деп безеленет. «Рысбек Акматбаевге (жана беркилеринин баарына) түшүндүрдүм, ак иштеп, каткан эч нерсем жок, бүт баары ачык (!) деп катуу билдирсем, ошондон кийин Рысбек мага ишенип, жөн койгон» дейт.

 

Кыргызстан көзкарандысыздыкка жетип, өз алдынча мамлекет болгондон бери кытай менен соода жүргүзүп, реэкспорттон миңдеген адамдар байыды. Кытайлар «Кыргызстанга баланча миллиард экспорт болду» деп көрсөтүп жатса, Кыргызстандын статистикасы боюнча анын ондон бири гана көрсөтүлүп, эки ортодо казынага милиардаган акчалар түшпөй, шылуундардын калтасы толгону белгилүү эмеспи. Бул маселе өкмөттүк деңгээлде нечен ирет көтөрүлүп, «сварга» премьер-министирлерден бери катышканын эл билет. Анан жалаң кытайдын товарын сатуу менен байыган депутаттын минтип, аксынып, «ошол аткезчиликтен түшкөн пайдадан ооз тийген жокмун» деп, карганганына ким ишенет? Анан, ошол көлөкөдөгү экономикадан үлүш талап кылган кримчөйрө, ошону билбей Турсунтайга ишенип калгыдай, эмне алар «лохторбу?» дегиң келет, эй! Минтип, кара жанын жеп, эл алдында чынчыл, адилет адамдын кейпин кийип, акчыланып жаткан Турсунтай Кудайдын алдында күнөөгө батып жатканын кантээр экен? Же эмне, «бир Кудайдан гана корком» дегени курулай гана сөзбү?

 

Ошентип, баягы «кызый-кызый кыздын коюнуна кирип...» дегендей болуп, Турсунтай акең күн өткөн сайын арышы артып барат. Кечээ жакында эле 25 миң добушу менен Солтолорго кошулганы маалым болду. Алып-сатардын ойлонбой жасаган мындай жүрүшү — «Чүйдө солтолор деле калбай баратыптыр» деп, алар менен чабышып жаткан А.Атамбаевге жакпай, аны сатып кеткен сыяктуу бааланып, ажо кыжырданып жатканын эшиттик. Эми Турсунтай акең кантээр экен, КСДПдан куулуп кетпейби? Ай, жок, самандай сапырылган акчалары турганда, «бу Кудайды карабаган неме Алмаздын башын оңой эле айландырат» дегендер да көп.

 

Не дейбиз? Алды-артын аңдап карабаган А.Атамбаевдин Турсунтайга окшогон базарчыга, андан-мындан жөө качкан «ит-куштардын» акчаларына кызыгып, коюнун ачканы, натыйжада, партиясынын да, өзүнүн да аброю кетип, бүгүнкү күндө «кому не лень» Алмазды боктоп жатканы кашкайган чындык!  Андыктан, «сооп болуптур, чала болот!» дегенден башка да эч нерсе айта албайт экенсиң...

 

"Аламан" сайты

 

Аталган басылманын маалыматына ылайык, бүгүн Кыргызстандын бильярдчысы россиялык Евгений Афанасьев менен мелдешип, аны 4:1 эсебинде утуп алган. Бул жеңиши менен жердешибиз дагы бир россиялык бильярдчы Владимир Вайнцвайг менен мелдешип, аны менен жарым финал үчүн таймашмакчы.

 

 

 

Кабар
 

Жыйында 2011-жылдын 13-сентябрында Бишкек шаарында кол коюлган “Бишкек шаарын жана Ош шаарын электр менен жабдууну жакшыртуу” долбоорун каржылоо үчүн Кыргыз Республикасынын Өкмөтү менен Ислам өнүктүрүү банкынын ортосундагы Кредиттик макулдашууну ратификациялоо жөнүндө мыйзам долбоору экинчи окууда каралды. 

 

Б.Кадыров Ислам өнүктүрүү банкы насыяны 2,5 пайыздык үстөгү менен 25 жылга берип жатканын айтты. Анын ичинде 7 жыл жеңилдиктер каралган мөөнөт болуп саналат. 

 

Бул каражатка Бишкек шаарындагы “Кызыл-Аскер”, “Парковая”, “Айни”, “Чыгыш” жана “Ала-Арча” көмөкчордондору оңдолот. Мындан тышкары 220 кВ жогорку чыңалуудагы 20 чакырым аба чубалгыларын куруу каралган. 

 

 

«Азыр элдин көпчүлүгүнүн жашоодон үмүтү өчүп, акыр заманга көп ишене башташты. Анткени, дүйнөдө көптөгөн кыяматтар, жер титирөөлөр, жанар тоолор ойгонуп жатат. Бирок бул акыр замандын жакындаганын билдирбейт», - дейт А.Алай.

 

Анын айтымында, булар менен Кудай эски доорду тазалап жатат, жерге түшө албагандыктан, баарын жаратылыш аркылуу кылып атат.

 

«Жөн гана Кудай эски доорду, адамдар ойлоп тапкан эски схемаларды, мыйзамдарды тазалап жатат. Алардын баарын тазалап, жазалап бүткөн соң жаңы «алтын доор» деген аталыштагы доорду түзөт, ал таза болот. Ошондуктан, биз дагы өзүбүздүн жан дүйнөбүздү тазалашыбыз керек», - дейт А.Алай.

 

 

 

 

Эзелтен, "орун алмашкандан сумма өзгөрбөйт",- деген арифметикалык эреже бар. Бабановдун бул аракетинен кандай майнап чыгат, убакыт көрсөтөт.

 

“Учурда жол өтө олуттуу маселелердин бири. Бул маселе алыскы айыл жерлеринде гана эмес, Бишкекте да чечилбей келет. Бишкектеги 4-шаардык оорукананын тегерегиндеги жолдо жүрүүгө мүмкүн эмес. Бирок 2011-жылы борбор калаанын жолдорун оңдогонго 500 миллион сом бөлүнгөн. Бул каражатты абалы начар жолдорду оңдоого жумшалбаса, кайда кетип жатат”, - деди депутат.

 

К.Ташиев жолдордун сапатын текшерүү үчүн комиссия түзүүгө болоорун кошумчалады. “Бизде быйыл оңдолгон жол, келерки жылы таптакыр жарабай калат. Жолдорду оңдогонго ири суммадагы акча бөлүнүп жатат. Аны ыксыз пайдаланып, сапаты жок жол курсак, өлкө кантип өнүкмөк эле”, - дейт ал. 

 

 

Кабар

“Облустук телекөрсөтүүлөрдү өнүктүрүү мамлекеттин маалыматтык коопсуздугун камсыздайт. Бул багытта түштүк облустардагы телеканалдарга 44 миллион сом бөлүнгөн. Ал каражаткка аппаратуралар жаңыртылган”,-деди ал.

Д.Молдошеванын айтымында, облустук телеканалдар Кыргызстандын Маданият жана туризм министрлигине караштуу. “Аймактык телекөрсөтүүлөрдү өнүктүрүү боюнча тиешелүү иштер жүрүп жатат”,-дейт Өкмөттүн өкүлү.

 

Белгилей кетсек, Жогорку Кеңештин бүгүнкү отурумунда депутат Улукбек Кочкоров Баткен облусунда Кыргызстандын улуттук теле каналдары көрсөтпөй тургандыгын билдирген. Депутат коңшу мамлекеттердин телеберүүлөрүн көргөн балдар мамлекет башчысы катары Ислам Каримовду таанып жатышкандыгын айткан эле.

 

 

Москванын мамлекеттик лингвистикалык университетинин Кыргыз тил жана маданият борборунда "Манас" эпосуна арналган ачык сабак өттү. Кыргызстандын Орусиядагы элчилигинин маалымат катчысы Айымкан Кулукееванын "Азаттыкка" билдиргенине караганда, иш-чарага кыргыз тилин үйрөнүп жаткан орусиялык студенттер жана аталган окуу жайда билим алып жаткан кыргызстандык жаштар катышты. Бишкектен барган манасчылар эпостон үзүндүлөрдү айтып беришти. Талкуунун катышуучулары "Манастын" кыргыз жана дүйнөлүк маданияттагы орду, ролу жөнүндө ой бөлүшүштү.

 

 

 

"Азаттык"

Анын айтымында, мындай аракеттер совет учурунда социалдык мелдеш болчу эле. «Кечээ Шадиевдин айыбын угузуу боюнча материалдар менен тааныштым. Ал жерде Шадиевдин эч кандай күнөөсү жок экен. Көмүр боюнча келишимге кол койду, ууланган көмүр боюнча Шадиев күнөөлүү деп айтып жатышат. Бул туура эмес. Ошондой эле Аскар Алимбаевичти жумушунан четтетүү дагы туура эмес», - деди ал.

 

 

Ошондой эле жыйында депутат президенттин ар-намысын ким коргойт деп суроо салды. «Интернет-сайттардын биринде Атамбаев тууралуу жагымсыз макала чыгып кетти. Биздин президентти Троцкий айткандай кылып жазышыптыр. Ошондой сайтка чыккан макала боюнча жооп узатуу керек, себеби жакшы көрөбүзбү, же жакшы көрбөйбүзбү - ал президент. Анын ар-намысын ким коргойт?», - деди депутат.

 

Мындан тышкары, М.Абдылдаев Ө.Бабанов А.Шадиевди кайсы мыйзамдын негизинде кызматтан четтетти деген суроо койду.

 

Депутаттын айтымында, тармактык комитеттин отурумунда Жогорку соттун төрайымы Феруза Жамашева сотторго басым жасалып, натыйжада көз карандысыз чечим кабыл алынбай жаткандыгын билдирген. 

 

“Президенттин өкүлү сот реформасын жүргүзүүгө тоскоолдук жасоодо. Ал кабинеттерди кыдырып, “Садыр Жапаров сот болууга талапкерлерден пара алып жатат” деген ушак тартууда. Данияр Нарымбаев айткан сөздөрүн далилдеп берсин”,- деди эл өкүлү.

 

Садыр Жапаров Президенттин Жогорку Кеңештеги өкүлүн ээлеген кызмат ордуна татыктуу карманып, ушак-айыңдан алыс болууга чакырды.

 

 

Анын айтымында, шаарчаны суу менен камсыз кыла турган булактардын радиациялык нурлануу фону ченемдегиден 4-5 эсе жогору болууда. “Мен Миң-Куш шаарчасынын тургундарын таза суу менен камсыз кылуу маселесин мурда эле көтөргөм. Бирок бийлик тарабынан тийиштүү чара көрүлгөн жок”, - дейт депутат.

Д.Ниязалиева аталган шаарчадагы бардык суу булактары текшерилип, алардын ууланып калганы тастыкталганын айтты. 

 

Ошондой эле эл өкүлү Миң-Куштагы турак жайлар да радиациялык нурланууга чалдыккандыгын билдирди. “Жергиликтүү тургундар өз үйлөрүн күрөөгө коюп, банктардан жеңилдетилген насыя ала алышпай жатат. Анткени, банктар ал турак жайларды кайра сата албасын шылтоо кылуу менен, аларды күрөөгө алуудан баш тартууда”, - деди Д.Ниязалиева. 

 

 

 

Кумтөр менен 2009-жылдын 24-апрелиндеги макулдашууну кайрадан карап чыгыш керек. Бул тууралуу бүгүн, 15-мартта «Жарандар коррупцияга каршы» укуктук борборунун мүчөсү Төлөкан Исмаилова АКИpress агенттигинде өткөн маалымат жыйынында билдирди.

 

Анын айтымында, аталган макулдашууга ылайык, андан түшкөн кирешени бөлүштүрүү жаңы салык режими аркылуу жүрөт.

 

«Макулдушуу боюнча түшкөн салыктын 1%ы Ысык-Көл облусун өнүктүрүүгө бөлүнөт. Бирок ал каражат айтылгандай түздөн-түз губернатордун иштетүүсүнө кетпей, Ысык-Көл облусун өнүутүрүүнүн атына ачылган фондго которулат да андагы каражат жергиликтүү бюджетте да, республикалык бюджетте да айтылбай калып жатат», - дейт Т.Исмаилова.

 

Ал белгилегендей, мындан улам, Ысык-Көл облусу өнүкпөй, бюджеттик каражат көбөйбөй жатат. Анткени, облус Кумтөр аркылуу тапкан кирешесин Каржы министрлиги бөлүнүп жаткан грант аркылуу кыскартып коюп жатат.