Кыргызстандагы бир катар медиа уюмдар Жогорку Кеңеш массалык маалымат каражаттарын чектеген токтомдорду кабыл алып жатат деген билдирүү таратты.

 

Билдирүүгө ылайык, парламенттин 10-16-июнга чейин Ош коогасы тууралуу сүрөттөрдү, видеолорду жайгаштырбоо, шайлоо учурунда чет өлкөлүк ММКлардын берүүлөрүн алдын ала жаздырып алып таратуу, фергана.ру сайтын жабуу боюнча токтомдору өлкөнүн баш мыйзамына каршы келет. Медиа уюмдун өкүлдөрү Жогорку Кеңештин төрагасын жана депутаттарды бул маселелерди конструктивдүү сүйлөшүү аркылуу чечүүгө чакырууда.

 

Азаттык

 

 “Жылдын аягына чейин парламент кабыл алган мыйзамдардын негизинде биз сотторду тандап алуу боюнча кеңешти түзүүгө тийишпиз. Бул ишин абдан жакшы билген, ыплас ишке аралашпаган таза сотторду тандоонун тарыхый мүмкүнчүлүгү”, - деп билдирди Кыргызстандын эл ассамблеясынын кезексиз Vll Курултайында Кыргыз Республикасынын Президенти Роза Отунбаева.

Өлкө башчысы сөзүндө ички иштер органдарын реформалоо боюнча ОБСЕ колдогон иштер жүргүзүлүп жаткандыгын белгиледи. Анын сөзүнө караганда күч кызматкерлери коррупцияга көп аралашууда. Мындан тышкары, милициянын негизги бөлүгү кыргыздар болгондуктан коррупциялык аракеттерге оңой эле этникалык көрүнүштү жармаштырууга болот.

“Өткөн күздө эле биз милициянын орто мектебин Ош шаарына которууну ойлогон элек, эми бул жагынан парламенттин да чечими бар. Ошол эле жакта аскердик институттун имараты да курула баштайт. Бул окуу жайга өлкөнүн түштүгүндө жашаган бардык улуттагылар алына тургандыгы талашсыз. Адилеттүүлүктү адам укугу менен гана салыштырууга болбойт. Адилеттүү коомдун учурунда да укукка “кысым” боло берет, бирок бул бардыгынын укугуна тең кысым болот. Куралдуу күчтөрдө кызмат өтөө баарына эле жага бербейт, бирок ал парз жана кызмат өтөөгө жарактуулардын баары аны аткарууга тийиш”,-деп белгиледи мамлекет башчысы.

 

Кабар

 

Анын айтымында, азыркы кезде БШКнын мүчөлөрүнө талапкерлерди тандоо жүрүп жатат. «Мыйзамдын макулдашылган варианты даярдалды жана БШКнын мүчөлөрүн шайлоо боюнча мыйзам долбоорлору парламент тарабынан жактырылат», - деди ал.

 

Мыйзамга ылайык, БШКнын мүчөлөрүн президент, парламенттик көпчүлүк жана азчылык шайлайт.

Баракелде

 

Анын айтымында, ал иш менен таанышып чыкты жана «анын күнөөсүн далилдей турган бир да факты жок экендигине» дагы бир жолу ынанды.

 

«Бул жерде бир гана саясий жагдайлар болуп жатат. Ошондуктан эл нааразы болуп, митингке чыгышты, алар чындык мен тарапта экендигин билишет. Тергөөчү өзү эле жөндөн жөн иш козгоп салган жок да, ага жогору жактан ушундай көрсөтмө болду. Эл муну билип, бийлик төбөлдөрүн кызматтан кетишин талап кылып жатышат. Мен шайлоочуларымды түшүнөм, бийлик менин оозумду жапкысы келип жатат, мен болсо аларды сындап келгем, дагы да сындай бермекчимин», - деп Ташиев өлкөнүн түштүгүндө аны колдогон митингдер боюнча комментарий берди.

 

Депутат белгилегендей, жогору жактагылар саясий каршылаштарын саясий эмес жолдор менен жоготкусу келип жатат. «Мен элди митингке чык деп айткан жокмун, алар өздөрү чыгышты. Мындан ары да эч кандай иш-аракеттерди жасабайм, бардыгы мыйзам чегинде болсун. Тергөөчүлөрүбүздүн таза иликтегенине үмүттөмүн», - деп кошумчалады Ташиев.

 

Баракелде

 

Жогорку Кеңештеги “Ата-Журт” фракциясынын лидери Камчыбек Ташиев Ички иштер министрлигинин Башкы тергөө башкармалыгында сурак берип жатат. Бул тууралуу “Азаттыкка” Ташиев өзү билдирди. Буга чейин Башкы прокуратура “Ата-Журттун” лидерине “бирөөнүн денесине атайлап оор залал келтирген” деген негизде кылмыш иши козголгонун маалымдаган. Ташиевди жоопко тартуу үчүн депутаттык кол тийбестиктен ажыратуу өтүнүчүн парламентке жөнөткөн. 17-июнда парламенттин жыйында Ташиев кол тийбестиктен өзү баш тартканын жарыялаган.

Учурда Жалал-Абадда Ташиевдин тарапкерлеринин нааразылык жыйыны өтүп жатат. Облустук ички иштер башкармалыгынын жетекчиси Станбек Бакиров ага миңге чукул адам катышып жатканын “Азаттыкка” билдирди.

 

Азаттык

 

Бул тууралуу Бишкектеги “Бета Сторес” супер маркеттеринин башкы деректири Салех Эрдогду бүгүн маалымат жыйында билдирди.  Анын айтымында, супер маркеттин кызматкерлери Чолпон Орузбаева менен Гүнеш Йылмаздун ортосундагы болгон окуя боюнча кылмыш иш козголуп, тергөө жүрүп жатат  “Бетанын” жетекчилери бул окуянын күнөөкөрү тийиштүү жазасын алууга кызыдар. Эрдогду  “Бетанын” кызматкерлерине байланыштуу окуяны кайсы бир күчтөр улуттар аралык тирешүүгө айлантууда деп өлкө жетекчилерине кайрылуу жасады.

Апрель айында “Бета Сторес” дүкөнүнүн кызматкери Гүнеш Йылмаз аттуу түрк жараны сатуучу кыз Чолпон Орузбаеваны сабап салганы тууралуу кабарланган.

 

Азаттык

 

«Ата Журт» фракциясынын лидери Камчыбек Ташиевге болгон мыйзамсыз саясий иликтөөнү токтотуу, июнь окуясы боюнча күнөөлүү сепаратисттик топтордун жана Убактылуу өкмөттүн мүчөлөрүнүн башчыларын жоопко тартуу, Башкы прокуратуранын Камчыбек Ташиевден кол тийбестик укугун алуу чечими боюнча шаардын прокурорунун түшүндүрмө берүүсүн талап кылып жатышат.

 

Учурда Жалал-Абадда митинг уланууда. Митингдин катышуучуларынан алдына шаардын прокурору Нурлан Жээнбеков чыгып сөз сүйлөп, аларды тынчтыкка чакырып, депутаттар бул маселени 23-июнда иликтеп бүтөөрүнө чейин күтүп туруусун айтты.

 

Митингдин катышуучулары Баш прокуратуранын чыгарган чечимин алып салуу боюнча кол чогултуп, кезексиз митинг өткөрөөрүн билдиришти.

 

Баракелде

 

«Бета Иншаат Ятырымжылык» ЖАК Башкы директору Салих Эрдогду КР президенти Р. Отунбаевага, ЖК төрагасы А. Келдибековго жана премьер-министр А. Атамбаевге кайрылуу жолдоду. Анда акыркы мезгилде аталган ишкананын кызматкери Гүнеш Йылмаздын тегерегинде пайда болгон жагдай тууралуу айтылат.

 

 Салих Эрдогду «Бета Иншаат Ятырымжылык» ишканасы Кыргызстандын экономикасына инвестиция чегерген алгачкы түрк фирмаларынын бири экендигин белгилөө менен бирге, Кыргызстан менен Түркия республикаларынын ортосунда соода-экономикалык жана социалдык-экономикалык салым кошуп келаткандыгын кошумчалаган. Бирок 2005-жана 2010-жылдардагы революция учурунда «Бета Иншаат Ятырымжылык» таланып-тонолгондугуна карабастан, республикабызда өз ишмердүүлүгүн улантып келаткандыгы да белгиленген. Бүгүнкү күндө бул ишканада 800дөн ашык кыргызстандыктар иштешет.

 

 Бирок 16-апрелде аталган соода жайынын кызматкери Чолпон Орузбаева түрк жараны, мастер-технолог Гүнеш Йылмаз тарабынан сабалып, зордуктоого аракет жасалган. Кийин жабырлануучунун ички органдарына оор залал келтирилгендиги аныкталган. Ал эми Чолпон Орузбаевага күч колдонуп, ден соолугуна залал келтирген Гүнеш Йылмаздын үстүнөн укук коргоо органдары иш козгоп, азыр тергөө амалдары жүрүп жатат. Ошондуктан бул ишкананын жетекчилиги анын КР мыйзамына ылайык жоопко тартылышына каршы эмес. Мындан тышкары Гүнеш Йылмаз, окуя болгон наабайкананын башчысы менен «Бета Сторес-3» соода жайынын директору кызматтан бошотулушкан.

 

 «Тилекке каршы азыркы учурда ЖМКда «Бета Иншаат Ятырымжылык» ЖАК тууралуу көптөгөн терс маанайдагы маалыматтар жарыяланууда. Эки кызматкердин ортосундагы чыр-чатакты улуттар аралык каршылыкка айлантууну көздөшүүдө. Кайсы бир күчтөр бул окуяны жеке кызыкчылыгына пайдаланып, эки бир тууган элди бири-бирине каршылаштырууну жана улуттар аралык жаңжалды тутантууну көздөшүүдө»,- деп айтылган кайрылууда.

 

 Мисалы, 18-июнда «Бета Сторес» соода борборунун алдында аталган ишкананын ишин токтотуу талабы менен жаштар митинг өткөрүшкөн. Имараттын маңдайында улутчулдук маанайдагы чакырыктар жазылган. Ушул жагдайды жөнгө салуу үчүн Салих Эрдогду мамлекет башчыларына кайрылууга аргасыз болгон.

 

Расмий аземге Ош облусунун губернатору Сооронбай Жээнбеков баштаган жергиликтүү бийлик өкүлдөрү, жеке ишкерлер жана Кызыл-Суу кыргыз автоном облусунун губернатору Пархат Турду жетектеген делегация катышышты.

 

Анда Пархат Турду жакынкы келечекте Кашкар-Ош-Кашкар жана Кашкар-Бишкек-Кашкар аба каттамдарын ишке киргизүү демилгесин билдирди. Мындан сырткары, ал Торугарт аркылуу Кытай-Кыргызстан темир жолун куруу зарылдыгын белгиледи.

 

Ош облусунун жетекчиси Кара-Суу районунда курулуусу күтүлүп жаткан парниктердин сарамжалдуу экендигин белгилеп, чарбачылыктын бул түрүн жалпы эле республика аймагына жайылтуу зарылдыгын айтты.

 

«Башкы максатыбыз - облустагы ишкердик чөйрөсүн өнүктүрүүгө шарттарды жакшыртуу»,- дейт С.Жээнбеков.

 

Баракелде

 

Маалыматка ылайык, 1963-жылы туулган А.Константиновага Кылмыш Кодексинин 30-183-беренеси боюнча кылмыш иши козголуп, (мыйзамсыз жол менен акча каражаттарын, же мүлктөрдү ээлеп, легализациялоого катышкан) издөө салынган.

 

Аны 19-июнда Москва шаарында Кыргызстандын Ички иштер министрлигинин кылмыш иликтөө башкы башкармалыгынын кызматкерлери москвалык милициялар менен биргеликте кармашты, деп жазылат маалыматта.

Баракелде

 

Бүгүн Ош шаарында “Өзүңдүн бизнесиңди башта” деп аталган окутуу башталды. ПРООНдун өкүлү Сүйүн Айдаров бул июнь коогасында жабыркаган аймактын жаштарын колдоого багытталган иш-чара экенин “Азаттыкка” билдирди. Окутуу 25-июнда аяктайт жана анда жаштар ишкерликтин негиздерин, бизнес-план түзгөндү, ишкерликти баштоонун укуктук жактарын үйрөнүшмөкчү.

 

Окутууга Ош шаарындагы алты лицейден 120 улан-кыз катышып жатат. ПРООН ушул жылдын 25-апрелинен бери Ош менен Жалал-Абадда 600дөй жаш жарандарды эмгек базарындагы керектүү адистиктер боюнча окуткан болчу.

Азаттык

 

Жакында депутат Камчыбек Ташиев депутаттык кол тийбестик укугун өз каалоосу менен тапшырууну жарыялаган эле. Депутаттын «Вести» агенттигине билдиргендей, ал бүгүн тергөөчүлөр менен жолугушат жана бул жолугушуу биринчи жолку эмес, буга чейин ишемби күнү тергөөчүлөр менен жолуккандыгын айтты.

 

«Мен күнөөм жок экендигине 100% ишенем. Бахадыр Сулеймановдун артында кимдер турганын фамилиясынан бери билем. Бул адамдар убагы келгенде мыйзам алдында өз жазасын алат деп ишенем. Тилекке каршы, дарыгерлер көрсөтмө бергенден коркуп жатышат», - дейт Ташиев.

 

Анын айтымында, Б.Сулейманов аны менен сүйлөшүүгө келбей жатат. Ташиев бир канча жолу аны менен байланышууга аракет кылган. Бирок буга «үчүнчү күчтөр» тоскоол болгон.

 

Бул окуянын өөрчүп кетишин Ташиев саясий атаандаштык менен байланыштырат.

«Мен шайлоого барамбы же жокпу - аны партиянын съезди чечет. Айрым саясий күчтөр мени азыр президенттик шайлоого талапкерлигимди коюуга бут тосуп жатышат», - дейт Ташиев.

 

Баракелде

 

“Депутат болуш оңой эмес”, - деген оюн айтты “Ата-Журт” фракциясынын лидери Камчыбек Ташиев бүгүн Жаштар кеңешинин алгачкы отурумунда.

 

 Ал эл өкүлүнүн иши жоопкерчиликтүү жана түйшүктүү экенин белгиледи. “Ошол эле учурда депутат болуу кызыктуу жана көп багыттуу иш. Жүрөгү элим деп соккон жаштар гана анык эл өкүлү боло алат”, - деди К. Ташиев. Мындан тышкары депутат Жаштар кеңеши аркылуу жаш лидерлер чоң саясатка алгачкы кадам таштап жатканын айтты.

 

 Төраганын орун басары Бөдөш Мамыров азыркы жаштардын мүмкүнчүлүктөрү зор экенин белгиледи. “Азыркы жаштар алда канча прогрессивдүү, билимдүү. Дал ушул мүмкүнчүлүктөрдү элдин кызыкчылыгына жумшаш керек. Кайсы бир агым менен кетпей, мамлекеттин алдындагы жоопкерчиликти ойготуу керек”, - дейт Б. Мамырова.

 

 Ал эми “Республика” фракциясынын лидери Канат Исаев өзү мүчө болгон партияны “жаштар партиясы” деп атап, анын курамынын теңинен көбү 40 жашка чыга элек жаштар экенин билдирди.

 

 Жаштар кеңешинин курамында 18ден 26 жашка чейинки 58 жаштар бар. Жаштар парламенти 6 ай иштейт. Бул убакыт аралыгында жаш саясатчылар өлкөдөгү олуттуу окуяларды талкуулашат.

 Жалал - Абад шаарында бүгүн  20 – июньда  Камчыбек Ташиевди коргоо комитети тарабынан митинг уюштурулду. Эл “Ташиевден колунарды тарткыла” деген үндөөлөр менен митинг өткөрүп  жатат.

Курултайга төрага Акматбек Келдибеков, биринчи вице-премьер-министр Өмүрбек Бабанов, Жогорку Кеңештин депутаттары, өкмөт мүчөлөрү, мамлекеттик органдардын жетекчилери, улуттук-маданий борборлордон жана коомдоштуктардан 800 делегат, саясий партиялардын, эл аралык жана бейөкмөт уюмдардын, диний конфессиялардын, дипломатиялык корпустун өкүлдөрү катышты.

 

Курултайдын жыйынтыгында делегаттар төмөнкү чечимдерди бир добуштан кабыл алышты:

1.Этностук саясат жана КРнын коомчулугун баш коштуруу Концепциясы жана 2015-жылга чейин аракеттенүү Планы жактырылсын.

 

2.Президентке Этностук саясат жана КР коомчулугун баш коштуруу Концепциясын ишке ашырууну өз көзөмөлүнө алуу сунушталсын.

 

3.Жогорку Кеңешке Этностук саясат жана КР коомчулугун баш коштуруу Концепциясынын негизинде мыйзам долбоорлорун иштеп чыгуу сунушталсын.

 

4.Өкмөткө, жергиликтүү бийлик органдарына жана жергиликтүү өз алдынча башкаруу органдарына Этностук саясат жана КР коомчулугун баш коштуруу Концепциясын жана 2015-жылга чейинки аракеттенүү Планын ишке ашырууга көмөктөшүү сунушталсын.

 

5.Этностук саясат жана КР коомчулугун баш коштуруу Концепциясы өзүнчө жыйнак болуп басылып чыгарылсын, ЖМКга жарыялансын жана республиканын бардык аймактарына таратылсын.

 

Курултайдын делегаттары Кыргызстан элинин Ассамблеясынын жаңы Уставынын долбоорун колдошту, ревизиялык комиссияны бекитишти жана ушул бирикменин Кеңешинин 65 адамдан турган курамын түзүштү. Кыргызстан элинин Ассамблеясынын Кеңешинин төрагасы болуп Илимдер Академиясынын академиги Бектемир Мурзубраимов шайланды.

 

Курултайдын Кыргызстандын элине кайрылуусунун сунушталган долбоору жакын арада Курултайдын делегаттарынын кошумча-алымчалары, сунуштары менен толукталып, ЖМКга жарыялана турган болду.

 

Баракелде

 

Облустук акимчиликтин алдында Жогорку Кеңештеги “Ата-Журт” фракциясынын лидери Камчыбек Ташиевди колдогондордун нааразылык жыйыны башталды. Облустук Ички иштер башкармалыгынан эки боз үй тигилип, 500дөн ашуун адам чогулганын “Азаттыкка” билдиришти. Алар бийликтен Ташиевди куугунтуктоону токтотуп, апрель, июнь окуяларындагы күнөөкөрлөрдү таап жоопко тартууну талап кылып жатышат.

Ташиев жума күнкү парламенттин жыйынында депутаттык кол тийбестиктен баш тартканын жарыялаган. Андан мурдарак Башкы прокуратура “Ата-Журттун” лидерин кылмыш жообуна тартууга макул берүүнү сурап парламентке кайрылган болчу. Ташиев “бирөөнүн денесине атайлап оор залал келтирген” деп айыпталып жатат. Күнөөсү далилденсе Кылмыш-жаза кодексине ылайык, 6 жылдан 10 жылга чейин эркинен ажыратылышы ыктымал.

 

Азаттык

 

Бүгүн, 20-июнда Жалал-Абад шаарынын Эркиндик аянтында КР Жогорку Кеңешинин “Ата-Журт” фракциясынын жетекчиси Камчыбек Ташиевди колдогон тынчтык митинги өтөт. Бул туурасында “К. Ташиевди коргоо комитетинин” төрагасынын орун басары Рашид Сулайманов билдирди.

Анын айтымында, Башкы прокуратура “Ата Журт” фракциясынын депутаты Бахадыр Сулеймановдун арызынын негизинде депутат К.Ташиевди кол тийбестик укугунан ажыратуу сунушун парламентке жолдогондугун, анын саясий ишмердүүлүгүнө байланыштуу куугунтуктоо катары атоого болот.

Ал эми Жогорку Кеңеш 17-июнда өткөн жыйынында бул жагдайга байланыштуу атайын депутаттык комиссия түзгөн. Андан кийин, К.Ташиев өз эрки менен депутаттык кол тийбестиктен баш тартаарын, күнөөсү далилденсе сот жообуна тартылууга даяр экенин жарыя кылган.

“Камчыбек Ташиевди коргоо комитети” Жалал-Абад облустук мамлекеттик администрациясынын алдына эки, шаардагы “Айгүл” универмагынын күн батыш тарабына бир боз үй тигип, аталган комитеттин мөөнөтсүз митинг өткөрүү аракеттерин колдоо боюнча элден кол топтоп жатышат.

“Тынчтык митингинде эки талап коюлат. Биринчиси, К.Ташиев айткандай өткөн жылдагы июнь коогалаңына күнөөлүүлөр жоопко тартылышы керек. Экинчиси, ушул сөздү айткандыгы үчүн К.Ташиевге карата саясий куугунтуктоо токтошу керек”, - дейт Р.Сулайманов.

Белгилей кетсек, Б. Сулейманов "Фракция башчысы мени сабады",- деген доо менен прокуратурага кайрылган болчу.

 

Кабар

 

Жер титирөөнүн очогу Кыргызстан менен Өзбекстандын чек арасында, Кара-Суу шаарынан 10 чакырым түндүк чыгышты, Жалал-Абад шаарынан 20 чакырым түштүктү, Өзгөн шаарынан 25 чакырым түштүк-батышты, Ош шаарынан 30 чакырым түндүк-чыгышты карай жайгашкан.

 

Жер титирөөнүн координаттары: түндүк тууралыгы 40º46, чыгыш кеңдиги 73º00.

Жер титирөө Кара-Сууда 4 балл, Ош шаарында 3 балл, Жалал-Абадда 3 баллга жеткен. Алдын ала маалымат боюнча жабыркагандар, кыйроолор катталган жок.

 

Баракелде

 

Ноокат районунун Кеңеш айылында 18-июнда саат 15:45тер чамасында мөндүр аралаш жааган жамгырдын кесепетинен Арбын айылында сел жүрүп, натыйжада 12 турак үйдүн там аркаларына, огороддоруна суу кирди жана 4 га үлүш эгиндерин сел каптады, деп билдирет ӨКМ басма сөз кызматы.

 

Маалыматка ылайык, ушул эле айылдагы «Жалгыз-Өөн» сел өткөрүүчү сайдын 890 м аралыгы сел калдыктарына толуп, сайдын жээгиндеги 31 кожолукка кооптуу абал жаралууда. Мындан сырткары, Байыш айылындагы 28,6 га эгин талаасы катуу жааган мөндүрдүн кесепетинен жараксыз абалга келген.

 

Селдин кесепетинен «Боту» сел өткөрүүчү сайдын 140 м жана Кыргыз-Ата айыл округунун «Токмок-Булак» сел өтүүчү сайынын 1600 м аралыгы сел калдыктарына толгон. Райондук ЖК комиссиясы иликтөө жана тактоо иштерин жүргүзүшүүдө.

 

Баракелде

18-июнда Бишкектеги “Бета-сторес” дүкөнүнүн алдында Кыргызстандын жаштар уюмдары митинг өткөрүштү. Анда кыргыз жаранын сабап, зордуктоого аракет кылган Г. Йылмазды мыйзам чегинде жазалоо талап кылынды.

 

Кечээ, 17-июнда өткөргөн басма сөз жыйынында “Жаштар кеңеши” коомдук уюмунун өкүлү Мавлян Аскарбеков жаштар уюмдары, кыймылдары өлкө президенти Р. Отунбаевага, ЖК төрагасы А. Келдибековго, премьер-министр А.Атамбаевге сегиз талап менен кайрылуу жолдошконун билдирген. Анда күнөөлүү болгон Г.Йылмазды суракка алуу, Ч.Орузбаевага компенсация төлөтүп берүү, Бишкек шаардык сотунун судьялары Л. Нарымбаева, Ж. Калыбекова жана М. Бейшеноваларды кызматтан бошотуу жана мындан ары булардын бул тармакта иштешине тыюу салуу талаптары коюлган.